ఈనాడు, సూర్యాపేట

సూర్యాపేట జిల్లా కేంద్రంలోని శ్రీరాంనగర్‌లో బోరుకు మోటారు బిగించకుండానే నీరు పైకి ఉబికి వస్తోంది. బోరు తవ్వితే 30 అడుగులకే నీరు పడుతోంది. వర్షాకాలంలో వానలు సమృద్ధిగా కురవడంతో భూగర్భజలాలు విస్తారంగా పెరిగాయి. ఇదే కాలనీలో పలుచోట్ల ఇళ్ల పిల్లర్లు నిర్మించుకోవడానికి ఐదు అడుగుల గుంతలు తవ్వితే చాలు నీరు ఊరుతోంది. మోటార్లతో ఆ నీటిని బయటకు తోడాల్సి వస్తోంది. భూగర్భ మురుగునీటి పారుదల కోసం రోడ్లను తవ్వినా నీరు వస్తోంది. జులైలో 11.84 మీటర్ల లోతులో ఉన్న భూగర్భజలాలు అక్టోబరులో 5.96 మీటర్ల వరకు వచ్చాయని జిల్లా భూగర్భ జల అధికారి సుధాకర్‌రెడ్డి ‘ఈనాడు’కు తెలిపారు.