జబల్‌పూర్‌: సాధారణంగా దేవుణ్ని కొలిచే భక్తులు తమ మనస్సులోని కోరికలు నెరవేరాలని భగవంతుణ్ని కోరుకుంటారు.అయితే 87 ఏళ్ల ఈ భక్తురాలు మాత్రం అందుకు భిన్నం. దేవునికి నిలువ నీడ కావాలని ఏకంగా 27 ఏళ్లుగా దీక్ష చేపట్టింది. ఆహారం తీసుకోకుండా పళ్లను మాత్రమే స్వీకరిస్తూ దీక్షను కొనసాగించింది. 

మధ్యప్రదేశ్‌లోని జబల్‌పూర్‌కు చెందిన ఉర్మిలా చతుర్వేది అనే భక్తురాలు అయోధ్యలో రామమందిర నిర్మాణం కోసం 27 ఏళ్ల నుంచి దీక్ష నిర్వహిస్తోంది. అయోధ్యలో రాముడికి గుడికట్టాలనే కోరికతో రోజూ నిష్ఠగా పూజలు చేసింది.  ఎట్టకేలకు సుప్రీంకోర్టు అయోధ్యలో దేవాలయ నిర్మాణానికి అనుకూలంగా తీర్పునివ్వడంతో ఆమె తాజాగా సుదీర్ఘ దీక్షను విరమించింది.