close

తాజా వార్తలు

కోహ్లీ బద్దలు కొట్టిన రికార్డులేంటంటే..?

ఇంటర్నెట్‌డెస్క్‌: వెస్టిండీస్‌తో జరిగిన ఆఖరి వన్డేలో శతకం బాదిన భారత కెప్టెన్‌ విరాట్‌ కోహ్లీ మరో కొన్ని రికార్డులను తన ఖాతాలో వేసుకున్నాడు. పరుగుల యంత్రంగా పేరున్న కోహ్లీ పదేళ్లలో అత్యధిక పరుగులు చేసిన ఆటగాడిగా రికార్డు సృష్టించాడు. ఈ దశాబ్దంలో 20,018 పరుగులు చేసిన కోహ్లీ ఆసీస్‌ దిగ్గజం రికీ పాంటింగ్‌ పేరిట ఉన్న రికార్డును బద్దలు కొట్టాడు. ప్రస్తుతం పాంటింగ్‌ 18,962 పరుగులతో దశాబ్దంలో అత్యధిక పరుగుల చేసిన జాబితాలో రెండో స్థానంలో ఉన్నాడు. పాంటింగ్‌ తర్వాత దక్షిణాఫ్రికా ఆల్‌రౌండర్‌ జాక్వెస్ కలిస్‌ (16,777), శ్రీలంక ఆటగాళ్లు జయవర్ధనే (16,304), కుమార సంగక్కర (15,999) ఉన్నారు. క్రికెట్‌ దిగ్గజం సచిన్‌ తెందూల్కర్‌ (15,962) ఆరో స్థానంలో ఉన్నాడు.

50+ వీరుల్లో ఐదో స్థానం

వన్డేల్లో 50 పరుగుల కంటే అధికంగా ఎక్కువసార్లు బాదిన ఆటగాళ్ల జాబితాలో కోహ్లీ ఐదో స్థానంలో నిలిచాడు. సచిన్‌ అగ్రస్థానంలో ఉన్నాడు. అయితే సచిన్‌ 463 వన్డేల్లో 145 సార్లు 50 పరుగులకు మించి చేయగా కోహ్లీ 239 మ్యాచుల్లోనే 97 సార్లు సాధించాడు. అంతేకాకుండా కోహ్లీ మరో రికార్డును అందుకున్నాడు. ఈ ఏడాది వన్డేల్లో 50 పరుగుల కంటే అధికంగా ఎక్కువసార్లు స్కోరు చేసిన ఆటగాడిగానూ కోహ్లీ (11) నిలిచాడు. అతడి తర్వాతి స్థానంలో రోహిత్‌ శర్మ (11) ఉన్నాడు. కోహ్లీ 22 ఇన్నింగ్స్‌ల్లో 11 సార్లు చేయగా రోహిత్‌ 24 ఇన్నింగ్స్‌ల్లో ఈ ఘనత సాధించాడు.

సచిన్‌ సరసన కోహ్లీ

ఒక జట్టుపై అత్యధిక శతకాలు సాధించిన బ్యాట్స్‌మన్‌గా సచిన్‌ (9 ఆస్ట్రేలియాపై) సరసన కోహ్లీ (9 వెస్టిండీస్‌పై) నిలిచాడు. అంతేకాకుండా సచిన్‌ 43వ శతకాన్ని 415 ఇన్నింగ్స్‌లో అందుకోగా కోహ్లీ 230 ఇన్నింగ్స్‌ల్లోనే ఆ ఘనత సాధించాడు. వన్డేల్లో సచిన్‌ కంటే 185 ఇన్నింగ్స్‌ల ముందుగానే 43వ శతకం బాదాడు.

కెప్టెన్‌గా 21వ సెంచరీ

వన్డేల్లో అత్యధిక శతకాలు సాధించిన కెప్టెన్ల జాబితాలో కోహ్లీ (21 సెంచరీలు) రెండో స్థానంలో ఉన్నాడు. అతడి కంటే ముందు ఆసీస్‌ మాజీ సారథి రికీ పాంటింగ్‌ (22) ఉన్నాడు. 

విండీస్‌పై హ్యాట్రిక్‌

వన్డేల్లో వెస్టిండీస్‌లో వరుసగా మూడు సెంచరీలు బాదిన ఏకైక ఆటగాడు కోహ్లీ మాత్రమే. 2017లో వెస్టిండీస్‌తో జరిగిన వన్డే సిరీస్‌లో శతకం బాదిన కోహ్లీ రెండేళ్ల తర్వాత విండీస్‌ పర్యటనకు వచ్చాడు. ప్రస్తుతం జరుగుతున్న సిరీస్‌లో రెండో వన్డేలో 120 పరుగులు, మూడో వన్డేలో 114* పరుగులు చేశాడు. దీంతో వరుసగా మూడు శతకాలు బాదిన ఆటగాడిగా రికార్డు నెలకొల్పాడు.


Tags :

స్పోర్ట్స్

రాజకీయం

జనరల్‌

సినిమా

క్రైమ్

బిజినెస్‌

జాతీయ-అంతర్జాతీయ

జిల్లా వార్తలు

దేవతార్చన

+

© 1999- 2019 Ushodaya Enterprises Pvt.Ltd,All rights reserved.
Powered By Margadarsi Computers

Android PhonesApple Phones

For Editorial Feedback - eMail: infonet@eenadu.net
For Digital Marketing enquiries Contact : 9000180611, 040 - 23318181 eMail :marketing@eenadu.net
Best Viewed In Latest Browsers

Terms & Conditions   |   Privacy Policy

Contents of eenadu.net are copyright protected.Copy and/or reproduction and/or re-use of contents or any part thereof, without consent of UEPL is illegal.Such persons will be prosecuted.