ఇంటర్నెట్‌డెస్క్‌: ‘ఏం సందేహం లేదు ఆ అందాల నవ్వే ఈ సందళ్ళు తెచ్చింది’ అంటూ యువతను తన అందం, అభినయంతో కట్టి పడేసిన భామ రాశీఖన్నా. ‘ఊహలు గుసగుసలాడే’ చిత్రంతో తెలుగు తెరకు పరిచయమైన ఈ బ్యూటీ ఇటు తెలుగుతో పాటు, అటు తమిళంలోనూ వరుస అవకాశాలు దక్కించుకుంటోంది. తాజాగా ఆమె బ్లాక్‌ డ్రెస్‌లో దిగిన ఫొటోలు కుర్రకారు మతి పోగొడుతున్నాయి.

ప్రస్తుతం ఈ ఫొటోలు సామాజిక మాధ్యమాల్లో ఆమె అభిమానులను విశేషంగా ఆకట్టుకుంటున్నాయి. ‘పట్టుదలతో మరింత ఎదిగాలి’ అంటూ క్యాప్షన్‌తో పంచుకున్న ఈ ఫొటోలకు విపరీతంగా లైక్‌లు వస్తున్నాయి. ‘నీ టాలెంట్‌కు నీ అందానికి ఇంకా ఎదగాలి’, ‘ అమేజింగ్‌’, ‘సో బ్యూటిఫుల్‌’ అంటూ అభిమానులు ప్రశంసల వర్షం కురిపిస్తున్నారు. తమిళంలో ఆమె నటించిన ‘సంగ తమిళన్‌’ తెలుగులో ‘విజయ సేతుపతి’ పేరుతో త్వరలో విడుదల కానుండగా, ‘వెంకీమామ’, ‘వరల్డ్‌ ఫేమస్‌ లవర్’, ‘ప్రతిరోజు పండగే’ తదితర చిత్రాల్లో రాశీ నటిస్తోంది.