చికిత్స పొందుతూ మహిళ దుర్మరణం

నార్సింగి: భార్యా భర్తల ఏర్పడ్డ చిన్న తగువ హత్యకు దారితీసింది. నార్సింగి ఎస్‌ఐ శ్రీధర్‌ తెలిపిన వివరాల ప్రకారం.. వికారాబాద్‌ జిల్లా కుల్కచర్ల మండలం విఠలాపూర్‌కు చెందిన శాంతయ్య(32) వివాహం చౌదరిగూడకు చెందిన శ్రీదేవి(30)తో ఏడేళ్ల క్రితం జరిగింది. కూలీపనులు చేసుకుని జీవనం సాగించే వీరికి ఇద్దరు ఆడపిల్లలు, ఒక బాబు ఉన్నారు. జీవనోపాధి కోసం రెండేళ్ల క్రితం హైదర్షాకోట్‌కు వలసవచ్చి ఉంటున్నారు. రెండు నెలలుగా లక్ష్మీనర్సింహ కాలనీలోని ఓ అపార్టుమెంట్‌లో వాచ్‌మెన్‌గా పనిచేస్తున్నారు. సోమవారం భార్య, భర్తల మధ్యఏదోవిషయమై గొడవ జరిగింది. శాంతయ్య రోకలిబండ తీసుకుని భార్య తలపై బాదడంతో తీవ్రగాయాలయ్యాయి. ఉస్మానియాలో చికిత్స పొందుతూ మృతిచెందింది.