గాంధీ జయంతి రోజు ‘గాడ్సే జిందాబాద్‌’.. ఎంపీ వరుణ్‌ గాంధీ ఫైర్‌!

తాజా వార్తలు

Updated : 02/10/2021 18:48 IST

గాంధీ జయంతి రోజు ‘గాడ్సే జిందాబాద్‌’.. ఎంపీ వరుణ్‌ గాంధీ ఫైర్‌!

దిల్లీ: మహాత్మగాంధీ జయంతి రోజు ఆయనను హతమార్చిన నాథూరాం గాడ్సేను కీర్తిస్తూ సామాజిక మాధ్యమాల్లో పోస్టుల పెట్టిన వారిపై భాజపా ఎంపీ వరుణ్‌ గాంధీ మండిపడ్డారు. దేశాన్ని అవమానిస్తున్నారని, అలాంటి వారిని బహిరంగంగా అవమానించాలని పేర్కొన్నారు. మహాత్మగాంధీ జయంతి రోజున ‘గాడ్సే జిందాబాద్‌’ అంటూ కీర్తిస్తూ కొందరు ట్వీట్‌లు చేయడంపై ఆయన ఈ విధంగా స్పందించారు.

భారత్‌ ఎప్పుడూ ఆధ్యాత్మిక శక్తిగా ఉందని, దాన్ని మహాత్ముడు ప్రపంచానికి చాటాడని వరుణ్‌ గాంధీ శనివారం ట్వీట్‌ చేశారు. దేశాన్ని ఉన్నత స్థానంలో నిలిపారని కొనియాడారు. అలాంటి గొప్ప వ్యక్తి వ్యక్తి జయంతి రోజున కొందరు గాడ్సే జిందాబాద్‌ అని కీర్తించడం ద్వారా దేశాన్ని అవమానిస్తున్నారని వరుణ్‌ గాంధీ మండిపడ్డారు. అలాంటి ఉన్మాదులను ప్రధాన స్రవంతిలోకి అనుమతించకూడదన్నారు. వారిని బహిరంగంగా దండించాలన్నారు. మహాత్ముడి జయంతి సందర్భంగా దేశమంతా ఆయనను స్మరించుకుంటున్న వేళ.. ఒక వర్గం వ్యక్తులు నాధూరాం గాడ్సేను కీర్తిస్తూ ట్వీట్లు చేస్తున్నారు. దీంతో ట్విటర్‌లో గాంధీ జయంతితో పాటు, గాడ్సే కూడా ట్రెండింగ్‌లోకి వచ్చింది. దీంతో వరుణ్‌గాంధీ ఆగ్రహం వ్యక్తంచేస్తూ ట్వీట్‌ చేశారు.


Advertisement

Tags :

మరిన్ని

జిల్లా వార్తలు
బిజినెస్
మరిన్ని
సినిమా
మరిన్ని
క్రైమ్
మరిన్ని
క్రీడలు
మరిన్ని
పాలిటిక్స్
మరిన్ని
జనరల్
మరిన్ని