Punjab: రైతులపై కేసులు వెనక్కు తీసుకోవాలి: పంజాబ్‌ సీఎం ఆదేశాలు

తాజా వార్తలు

Published : 02/10/2021 16:46 IST

Punjab: రైతులపై కేసులు వెనక్కు తీసుకోవాలి: పంజాబ్‌ సీఎం ఆదేశాలు

చండీగఢ్‌: రైతులపై నమోదైన కేసుల విషయంలో పంజాబ్‌ సర్కారు కీలక నిర్ణయం తీసుకుంది. రైల్వే ట్రాక్‌లపై నిరసన తెలిపిన అన్నదాతలపై కేసులను ఉపసంహరించుకోవాలని ఆ రాష్ట్ర ముఖ్యమంత్రి చరణ్‌జిత్‌సింగ్ చన్నీ రైల్వే ప్రొటెక్షన్ ఫోర్స్ (ఆర్‌పీఎఫ్)కు లేఖ రాశారు. తమ ఆదేశాలను ఆర్‌పీఎఫ్ ఛైర్మన్ వెంటనే పాటించాలని.. నిరసన తెలిపిన రైతులపై కేసులను ఉపసంహరించుకోవాలని సీఎం చన్నీ ఆదేశించారు. ప్రధాని నరేంద్ర మోదీతో భేటీ అయిన మరుసటి రోజే పంజాబ్‌ సీఎం ఈ నిర్ణయం తీసుకోవడం గమనార్హం.

నూతన ముఖ్యమంత్రిగా ఈమధ్యే బాధ్యతలు చేపట్టిన చరణ్‌జిత్‌ సింగ్‌ చన్నీ శుక్రవారం ప్రధాని మోదీతో భేటీ అయ్యారు. వ్యవసాయం, రైతుల సమస్యలపై ప్రధానితో దాదాపు గంటపాటు చర్చించారు. సాగు చట్టాలకు వ్యతిరేకంగా రైతులు చేస్తోన్న ఆందోళనలకు వీలైనంత తొందరగా పరిష్కారం చూపించాలని మోదీని కోరినట్లు చరణ్‌జిత్‌ వెల్లడించారు. నిరసన తెలుపుతున్న రైతులతో తిరిగి చర్చలు ప్రారంభించాలని విజ్ఞప్తి చేసినట్లు తెలిపారు. రాష్ట్ర ఆర్థిక వ్యవస్థ వ్యవసాయంపై ఆధారపడి ఉందని.. రైతులు, వ్యవసాయ కూలీలు సంతోషంగా ఉంటే రాష్ట్రం ఆర్థికంగా పురోగమిస్తుందని ప్రధానికి తెలియజేసినట్లు చన్నీ వివరించారు.


Advertisement

Tags :

మరిన్ని

జిల్లా వార్తలు
బిజినెస్
మరిన్ని
సినిమా
మరిన్ని
క్రైమ్
మరిన్ని
క్రీడలు
మరిన్ని
పాలిటిక్స్
మరిన్ని
జనరల్
మరిన్ని