Delta variant: ఆరు నెలల తర్వాత అక్కడ తొలి కొవిడ్‌ మరణం

తాజా వార్తలు

Published : 04/09/2021 16:19 IST

Delta variant: ఆరు నెలల తర్వాత అక్కడ తొలి కొవిడ్‌ మరణం

వెల్లింగ్టన్‌: కొవిడ్‌ వైరస్‌ను అదుపు చేసి ఎంతో అప్రమత్తంగా ఉంటున్న న్యూజిలాండ్‌ను డెల్టా వేరియంట్‌ వణికిస్తోంది. ఆరు నెలల తర్వాత అక్కడ తొలి కొవిడ్‌ మరణం సంభవించింది. కరోనా లక్షణాలతో శనివారం 90 ఏళ్ల వృద్ధురాలు మృతిచెందింది. ఆక్లాండ్‌కు చెందిన మహిళ ఆరోగ్యం పూర్తిగా క్షీణించడంతో వెంటిలేటర్‌పై చికిత్స అందించినా ఫలితం లేకుండాపోయింది. ఫిబ్రవరి 16 తర్వాత న్యూజిలాండ్‌లో తొలి కరోనా మరణం ఇదే. దీంతో న్యూజిలాండ్‌వ్యాప్తంగా ఇప్పటివరకు వైరస్‌ బారిన పడి మృతిచెందిన వారి సంఖ్య 27కు చేరింది.

1.7 మిలియన్ల జనాభాతో న్యూజిలాండ్‌లోనే అతిపెద్ద నగరమైన ఆక్లాండ్‌కు చెందిన సదరు వృద్ధురాలు ఇంట్లోని ఓ వ్యక్తికి ఈ మధ్యే కొవిడ్‌ పాజిటివ్‌గా తేలింది. అతడి నుంచే వైరస్‌ ఆమెకు సోకి ఉంటుందని ఆరోగ్య సిబ్బంది అనుమానిస్తున్నారు. మహిళ మృతిపట్ల ఆ దేశ ప్రధాని జెసిండా ఆర్డెర్న్ ఆందోళన వ్యక్తం చేశారు. అందరూ జాగ్రత్తలు వహించాలని సూచించారు. ముఖ్యంగా వృద్ధులు, అనారోగ్య సమస్యలు ఉన్నవారు మరింత అప్రమత్తంగా ఉండాలన్నారు. అనేక రోజులపాటు ఒక్క కేసు కూడా నమోదు కాని న్యూజిలాండ్‌లో గత నెల 17న ఆక్లాండ్‌లో తొలి కేసు నమోదైంది. దీంతో దేశవ్యాప్తంగా మూడు రోజులపాటు లాక్‌డౌన్‌ విధించారు. అయినప్పటికీ కేసులు వెలుగుచూస్తూనే ఉన్నాయి. శనివారం కొత్తగా 20 మంది వైరస్‌ బారిన పడ్డారు.


Advertisement

Tags :

మరిన్ని

జిల్లా వార్తలు
బిజినెస్
మరిన్ని
సినిమా
మరిన్ని
క్రైమ్
మరిన్ని
క్రీడలు
మరిన్ని
పాలిటిక్స్
మరిన్ని
జనరల్
మరిన్ని