మహారాష్ట్ర హోంమంత్రి రాజీనామా

తాజా వార్తలు

Updated : 05/04/2021 15:49 IST

మహారాష్ట్ర హోంమంత్రి రాజీనామా

ముంబయి: మహారాష్ట్ర హోంమంత్రి, ఎన్సీపీ నేత అనిల్‌ దేశ్‌ముఖ్‌ తన పదవికి రాజీనామా చేశారు. అవినీతి ఆరోపణలు ఎదుర్కొంటున్న ఆయన తన రాజీనామా లేఖను సీఎం ఉద్ధవ్‌ఠాక్రేకు పంపించారు. అనిల్‌ దేశ్‌ముఖ్‌పై ముంబయి మాజీ పోలీస్‌ కమిషనర్‌ పరమ్‌బీర్‌ సింగ్‌ చేసిన అవినీతి ఆరోపణలపై ప్రాథమిక దర్యాప్తు చేయాలంటూ బాంబే హైకోర్టు సీబీఐని ఆదేశించిన నేపథ్యంలో రాజీనామా చేయడం గమనార్హం. నైతికపరమైన కారణాలతో పదవి నుంచి తప్పుకుంటున్నట్టు ఆయన తెలిపారు. ఈ మేరకు తన రాజీనామా లేఖను ట్విటర్‌లో పోస్ట్‌ చేశారు. తనపై విచారణ జరుగుతున్నందున హోంమంత్రి పదవిలో కొనసాగడం ఇష్టంలేదని ముఖ్యమంత్రికి పంపిన రాజీనామా లేఖలో పేర్కొన్నారు. గత కొన్నివారాలుగా తనపై అవినీతి ఆరోపణల్ని ఖండించిన ఆయన రాజీనామా డిమాండ్లను తోసిపుచ్చారు. తానేమీ తప్పుచేయలేదని పేర్కొన్నారు. 

ప్రముఖ పారిశ్రామికవేత్త ముకేశ్‌ అంబానీ నివాసం వద్ద పేలుడు పదార్థాల వాహనం కేసులో అరెస్టయిన సచిన్‌ వాజేకు దేశ్‌ముఖ్‌ ప్రతి నెలా రూ.100 కోట్లు వసూళ్లను లక్ష్యంగా పెట్టారంటూ పరమ్‌బీర్‌ సింగ్‌ చేసిన ఆరోపణలు మహారాష్ట్ర రాజకీయాలను కుదిపేస్తున్న విషయం తెలిసిందే.



Tags :

మరిన్ని

జిల్లా వార్తలు
బిజినెస్
మరిన్ని
సినిమా
మరిన్ని
క్రైమ్
మరిన్ని
క్రీడలు
మరిన్ని
పాలిటిక్స్
మరిన్ని
జనరల్
మరిన్ని