సింగిల్‌ డోసు టీకా: అనుమతి కోరిన జే&జే

తాజా వార్తలు

Published : 05/02/2021 16:50 IST

సింగిల్‌ డోసు టీకా: అనుమతి కోరిన జే&జే

వాషింగ్టన్‌: సింగిల్‌ డోసులోనే కరోనా మహమ్మారిని ఎదుర్కొనేందుకు వ్యాక్సిన్‌ను అభివృద్ధి చేసిన జాన్సన్ & జాన్సన్‌.. తాజాగా అత్యవసర వినియోగానికి అనుమతి ఇవ్వాలని అమెరికా నియంత్రణ సంస్థలను కోరింది. ఇప్పటికే వ్యాక్సిన్‌ సమర్థతకు సంబంధించిన ఫలితాలను వెల్లడించిన జే&జే.. అనుమతి వచ్చిన వెంటనే పంపిణీ చేసేందుకు ఏర్పాట్లు చేస్తోంది. ఇప్పటికే అమెరికాలో రెండు వ్యాక్సిన్‌లు అనుమతి పొందగా.. జాన్సన్& జాన్సన్‌ టీకా అనుమతిపై త్వరలోనే ఓ ప్రకటన వెలువడే అవకాశం ఉంది.

సమర్థతలోనూ మెరుగైన ఫలితం..

జాన్సన్ & జాన్సన్ అభివృద్ధి చేసిన సింగిల్‌ డోస్‌ వ్యాక్సిన్‌, కరోనా వైరస్‌ను ఎదుర్కోవడంలో 66శాతం సమర్థవంతంగా పనిచేస్తున్నట్లు ఈ మధ్యే ప్రకటించింది. అంతేకాకుండా తీవ్ర కేసుల్లో మాత్రం 85శాతం సమర్థత చూపించినట్లు తెలిపింది. సింగిల్‌ డోసు వ్యాక్సిన్‌ ప్రయోగాలను ప్రపంచ వ్యాప్తంగా 44వేల మందిపై జరిపింది. ఆ తర్వాత ఈ ఫలితాలు వెల్లడించింది. అమెరికాలో జరిపిన ప్రయోగాల్లో వ్యాక్సిన్‌ 72శాతం సమర్థత చూపించగా, లాటిన్‌ అమెరికా దేశాల్లో 66శాతం, దక్షిణాఫ్రికాలో జరిపిన ప్రయోగాల్లో 57శాతం సమర్థత కనబరిచిందని జే&జే ప్రకటించింది. అంతేకాకుండా కొవిడ్‌ మరణాల నుంచి వందశాతం రక్షణ కల్పిస్తుందనే ధీమా వ్యక్తం చేసిన జే&జే, వ్యాక్సిన్‌ తీసుకున్న 14రోజుల్లో రక్షణ లభిస్తుందని పేర్కొంది. అయితే, అమెరికాకు చెందిన ఫైజర్‌, మోడెర్నా టీకాలు 90శాతానికి పైగా సమర్థత కలిగి ఉన్నట్లు ఇప్పటికే వెల్లడైంది. అయినప్పటికీ సింగిల్‌ డోసు సరిపోయే ఈ టీకా కూడా ప్రయోజనకరంగా ఉంటుందని అంతర్జాతీయ నిపుణులు భావిస్తున్నారు.

రెండు ప్రయోజనాలు..

ఇప్పటివరకు అమెరికాలో ఆస్ట్రాజెనెకా, మోడెర్నా టీకాలు అత్యవసర వినియోగం కింద అందుబాటులోకి వచ్చాయి. కానీ, ఈ రెండు టీకాలను రెండు డోసుల్లో తీసుకోవాల్సి ఉంటుంది. జాన్సన్‌ & జాన్సన్‌ సంస్థ అభివృద్ధి చేసిన వ్యాక్సిన్‌ ఒకే డోసు సరిపోతుంది. అంతేకాకుండా సాధారణ రిఫ్రిజిరేటర్‌ ఉష్ణోగ్రతల వద్దే దీన్ని నిల్వ చేసుకునే అవకాశం ఉంది. అందుకే ఈ వ్యాక్సిన్‌ను కూడా గేమ్‌ ఛేంజర్‌గానే భావిస్తున్నారు. త్వరలోనే ఈ టీకా వినియోగంపై స్పష్టత వచ్చే అవకాశం ఉంది.

ఇవీ చదవండి..
వ్యాక్సిన్‌ వచ్చినా మాస్కులు తప్పనిసరి
భారత్‌లో వెనక్కి తగ్గిన ఫైజర్‌


Advertisement

Tags :

మరిన్ని

జిల్లా వార్తలు
బిజినెస్
మరిన్ని
సినిమా
మరిన్ని
క్రైమ్
మరిన్ని
క్రీడలు
మరిన్ని
పాలిటిక్స్
మరిన్ని
జనరల్
మరిన్ని