Russia: రష్యాలో కూలిన విమానం.. 19 మంది దుర్మరణం

తాజా వార్తలు

Updated : 10/10/2021 17:09 IST

Russia: రష్యాలో కూలిన విమానం.. 19 మంది దుర్మరణం

మాస్కో: రష్యాలో తేలికపాటి విమానం కూలిపోయింది. తతర్‌స్థాన్‌ ప్రాంతంలో జరిగిన ఈ ఘటనలో 19 మంది మరణించారు. ప్రమాద సమయంలో విమానంలో 22 మంది ఉన్నారు. వీరిలో 19 మరణించగా.. ముగ్గురు గాయపడినట్లు సమాచారం.

రష్యాకు చెందిన ఎల్‌-410 తేలికపాటి విమానం 20 మంది స్కైడైవింగ్‌ క్లబ్‌ సభ్యులు, ఇద్దరు సిబ్బందితో బయల్దేరింది. గాల్లోకి ఎగిరిన కొద్దిసేపటికే ఈ ప్రమాదం జరిగింది. రష్యాకు చెందిన అధికారులు దర్యాప్తును ప్రారంభించారు. ఈ ఘటన మెన్సెలిన్స్క్‌ పట్టణం సమీపంలో జరిగింది. ప్రమాదానికి ముందు ఈ విమానం రాడార్ల నుంచి అదృశ్యమైంది. ‘‘ప్రత్యక్ష సాక్షులు చెప్పడంతో ఈ ప్రమాదం వెలుగులోకి వచ్చింది. దీనిలో స్కైడైవర్లు ఉన్నారు. సహాయక బృందాలు అక్కడికి చేరుకొని ఘటనా స్థలాన్ని పరిశీలిస్తున్నాయి. ప్రమాదానికి గల కారణాలను దర్యప్తు బృందం తెలుసుకొనే యత్నం చేస్తోంది’’ అని రష్యా అధికారులు ఒక ప్రకటనలో తెలిపారు.




Advertisement

Tags :

మరిన్ని

జిల్లా వార్తలు
బిజినెస్
మరిన్ని
సినిమా
మరిన్ని
క్రైమ్
మరిన్ని
క్రీడలు
మరిన్ని
పాలిటిక్స్
మరిన్ని
జనరల్
మరిన్ని