120 దేశాలకు పారాసిటమాల్‌, హైడ్రాక్సీక్లోరోక్విన్‌

తాజా వార్తలు

Published : 14/05/2020 20:40 IST

120 దేశాలకు పారాసిటమాల్‌, హైడ్రాక్సీక్లోరోక్విన్‌

దిల్లీ: కొవిడ్‌-19పై యావత్‌ ప్రపంచం పోరాడుతున్న వేళ గడిచిన 2 నెలల్లో 120 దేశాలకు భారత్‌ పారాసిటమాల్‌, హైడ్రాక్సీ క్లోరోక్విన్‌ మాత్రలను సరఫరా చేసిందని వాణిజ్య, పరిశ్రమల శాఖ మంత్రి పీయూష్‌ గోయల్‌ తెలిపారు. దేశీయ అవసరాలకు సరిపడా మాత్రలు నిల్వ ఉంచుకున్నాకే వాటిని సరఫరా చేశామని తెలిపారు. ధనిక, శక్తిమంతమైన దేశాలు మాత్రమే కాక, వెనుకబడిన దేశాలు సైతం ఈ మాత్రలను పొందాలన్న ఉద్దేశంతోనే వీటి ఎగుమతులపై ఆంక్షలు విధించినట్లు ఓ వెబినార్‌లో వెల్లడించారు.

సరఫరా చేసిన దేశాల్లో సుమారు 40కి పైగా దేశాలు ఉచితంగా/ గ్రాంట్‌ రూపంలో వీటిని పొందాయని గోయల్‌ తెలిపారు. అలాగే ఇటీవల ప్రధాని పిలుపునిచ్చిన స్వావలంబ భారత్‌ నినాదం గురించి ప్రస్తావిస్తూ.. ప్రపంచ దేశాలతో కలిసి పనిచేస్తూనే వారిపై పూర్తిగా ఆధారపడకుండా దేశీయంగా నాణ్యమైన ఉత్పత్తులను, పోటీధరలకే విక్రయించడం ఆ నినాదం వెనుక ముఖ్య ఉద్దేశమని గోయల్‌ వివరించారు. ఇది కొందరికి అర్థం కాదని ఎద్దేవాచేశారు.


Tags :

మరిన్ని

జిల్లా వార్తలు
బిజినెస్
మరిన్ని
సినిమా
మరిన్ని
క్రైమ్
మరిన్ని
క్రీడలు
మరిన్ని
పాలిటిక్స్
మరిన్ని
జనరల్
మరిన్ని