బంగ్లాదేశ్‌కు లక్ష హైడ్రాక్సీ మాత్రలు

తాజా వార్తలు

Published : 26/04/2020 22:41 IST

బంగ్లాదేశ్‌కు లక్ష హైడ్రాక్సీ మాత్రలు

అందించిన భారత ప్రభుత్వం

దిల్లీ: కరోనాపై పోరులో భాగంగా ఆదివారం బంగ్లాదేశ్‌కు లక్ష హైడ్రాక్సీ క్లోరోక్విన్‌ మాత్రలను భారత్‌ ప్రభుత్వం అందించింది. వాటితోపాటు 50 వేల సర్జికల్‌ గ్లౌజులను సైతం పంపించింది. కొవిడ్‌-19పై పోరులో సార్క్‌ అత్యవసర నిధిలో భాగంగా పొరుగు దేశమైన బంగ్లాకు భారత్‌ సహాయం అదించడం ఇది రెండోసారి. గతంలో హెడ్‌ కవర్లు, మాస్కులను రవాణా చేసింది. ఈ సందర్భంగా ఢాకాలోని భారత హై కమిషనర్‌ రవి గంగూలీ దాస్‌ ఆదివారం సామాజిక మాధ్యమాల్లో ఓ వీడియోను పోస్టు చేశారు. అందులో ఆమె పేర్కొంటూ.. రెండు దేశాల్లో అనేక మంది కరోనా బారిన పడ్డారని, ఈ మహమ్మారిని నియంత్రించేందుకు భారత్‌ బంగ్లాదేశ్‌కు అండగా నిలుస్తోందన్నారు.

‘మార్చి 15న సార్క్‌ నేతల వీడియో కాన్ఫరెన్స్‌ జరిగింది. ఆ సమయంలోనే సార్క్‌ కొవిడ్‌-19 అత్యవసర నిధిని ఏర్పాటు చేశారు. ఆ నిధిలో భాగంగా ఈ రోజు బంగ్లాదేశ్‌ ప్రభుత్వానికి లక్ష హైడ్రాక్సీ క్లోరోక్విన్‌ మందులు, వైద్య సిబ్బందికి అవసరమయ్యే 50 వేల సర్జికల్‌ గ్లౌజులను అందించాం’ అని వెల్లడించారు. ప్రస్తుతం బంగ్లాదేశ్‌లో దాదాపు 5 వేల కరోనా కేసులు నమోదవ్వగా.. 140 మంది మృత్యువాతపడ్డారు.


Tags :

మరిన్ని

జిల్లా వార్తలు
బిజినెస్
మరిన్ని
సినిమా
మరిన్ని
క్రైమ్
మరిన్ని
క్రీడలు
మరిన్ని
పాలిటిక్స్
మరిన్ని
జనరల్
మరిన్ని