దేశంలో హైడ్రాక్సీక్లోరోక్విన్‌ కొరత లేదు...

తాజా వార్తలు

Updated : 24/04/2020 13:42 IST

దేశంలో హైడ్రాక్సీక్లోరోక్విన్‌ కొరత లేదు...

అహ్మదాబాద్‌: కరోనా వైరస్‌ (కొవిడ్‌-19) చికిత్సలో ప్రపంచ వ్యాప్తంగా ఉపయోగిస్తున్న ఔషధం హైడ్రాక్సీక్లోరోక్విన్‌. భారత్‌లో ఈ ఔషధ నిల్వలకు కొరత లేదని గుజరాత్‌లోని ఇండియన్‌ డ్రగ్‌ మాన్యుఫాక్చరర్స్‌ అసోసియేషన్ (ఐడీఎంఏ) ప్రకటించింది. ప్రస్తుతం దేశంలో నెలకు 35 నుంచి 40 కోట్ల హైడ్రాక్సీక్లోరోక్విన్‌ మాత్రలు ఉత్పత్తి జరుగుతున్నట్లు సంస్థ చైర్మన్‌ విరంచి షా తెలిపారు. ఇది మన అవసరాల కంటే పదిరెట్లు అధికమని ఆయన వివరించారు. ఇప్పటికే భారత్‌ అవసరాల కోసం పదికోట్ల మాత్రలు సిద్ధంగా ఉన్నాయని... ఇవి 20 లక్షల మంది కొవిడ్‌ బాధితుల చికిత్సకు సరిపోతాయని ఆయన వివరించారు. 

దేశంలో గత ఏడాది సుమారు 2.4 కోట్ల హైడ్రాక్సీక్లోరోక్విన్‌ మాత్రల వినియోగం జరిగిందని.. దీనితో పోలిస్తే ప్రస్తుతం దేశంలో ఉత్పత్తి అవుతున్నది చాలా అధికమని ఐడీఎంఏ చైర్మన్‌ చెప్పారు. కేంద్ర సహకారంతో ఔషధాల తయారీ, సరఫరాలకు ఏ ఆటంకం లేకుండా సక్రమంగా నిర్వహస్తున్నామన్నారు. లాక్‌డౌన్‌ నిబంధనల వల్ల సిబ్బంది రాకపోకలకు తొలుత ఇబ్బంది ఎదురైందని... ప్రభుత్వ చొరవతో ఈ సమస్యను అధిగమించామని తెలిపారు.
ప్రపంచవ్యాప్తంగా తయారవుతున్న హైడ్రాక్సీ క్లోరోక్విన్‌లో 70 శాతం మన దేశంలోనే తయారవుతున్నట్లు  విరంచి షా వివరించారు. భారత్‌ నుంచి ఇతర దేశాలకు వీటిని ఎగుమతి చేస్తున్నామని... అంతర్జాతీయ డిమాండుకు తగ్గట్లు ఔషధాలను సరఫరా చేసే సామర్థ్యం మనకుందని ఆయన స్పష్టం చేశారు.


Tags :

మరిన్ని

జిల్లా వార్తలు
బిజినెస్
మరిన్ని
సినిమా
మరిన్ని
క్రైమ్
మరిన్ని
క్రీడలు
మరిన్ని
పాలిటిక్స్
మరిన్ని
జనరల్
మరిన్ని