ట్రంప్‌తో పాటు ఇవాంకా కూడా భారత్‌కు..

తాజా వార్తలు

Updated : 24/02/2020 09:59 IST

ట్రంప్‌తో పాటు ఇవాంకా కూడా భారత్‌కు..

దిల్లీ: అమెరికా అధ్యక్షుడు డొనాల్డ్‌ ట్రంప్‌ వెంట ఆయన కుమార్తె ఇవాంకా, అల్లుడు జారెద్ కుష్నర్‌ కూడా భారత పర్యటనకు వస్తున్నారట. ఈ మేరకు అధికారిక వర్గాలు శుక్రవారం వెల్లడించాయి. ఇవాంకా దంపతుల రాకను అమెరికా ధ్రువీకరించినట్లు సదరు వర్గాలు పేర్కొన్నాయి. 

ఈ నెల 24, 25న ట్రంప్‌ భారత్‌లో పర్యటించనున్న విషయం తెలిసిందే. అధ్యక్షుడితో పాటు ఉన్నతస్థాయి ప్రతినిధుల బృందం కూడా రానుంది. ఈ బృందంలో కుమార్తె ఇవాంకా ట్రంప్‌, సీనియర్‌ సలహాదారు జారెద్‌ కుష్నర్‌, జాతీయ భద్రతా సలహాదారు రాబర్ట్‌ ఓ బ్రెయిన్‌, ట్రెజరీ సెక్రటరీ స్టీవ్‌ ముచిన్‌, కామర్స్‌ సెక్రటరీ విల్బర్‌ రోస్‌ తదితరులు ఉన్నారు. 

ఫిబ్రవరి 24న ట్రంప్‌, భార్య మెలానియా, ఆయన ప్రతినిధుల బృందం అహ్మదాబాద్‌ చేరుకోనున్నారు. అదే రోజున ప్రధాని మోదీతో కలిసి భారీ రోడ్‌ షోలో పాల్గొననున్నారు. ఆ తర్వాత కొత్తగా నిర్మించిన సర్దార్‌ వల్లభభాయ్‌ పటేల్‌ క్రికెట్‌ మైదానంలో ప్రజలనుద్దేశించి ప్రసంగిస్తారు. 24న సాయంత్రం అమెరికా అధ్యక్షుడి కుటుంబం ఆగ్రా చేరుకోనుంది. అక్కడ తాజ్‌మహల్‌ సందర్శన తర్వాత వీరంతా దిల్లీ వెళ్లనున్నారు. ఫిబ్రవరి 25న పలువురు అధికార ప్రతినిధులు, మంత్రులతో ట్రంప్‌ బృందం చర్చలు జరపనున్నట్లు అధికారులు తెలిపారు.


Advertisement

Tags :

మరిన్ని

జిల్లా వార్తలు
బిజినెస్
మరిన్ని
సినిమా
మరిన్ని
క్రైమ్
మరిన్ని
క్రీడలు
మరిన్ని
పాలిటిక్స్
మరిన్ని
జనరల్
మరిన్ని