పెరియార్‌ విగ్రహం ధ్వంసం.. ఖండించిన నేతలు

తాజా వార్తలు

Published : 24/01/2020 23:47 IST

పెరియార్‌ విగ్రహం ధ్వంసం.. ఖండించిన నేతలు

చెన్నై: ప్రముఖ సంఘ సంస్కర్త, ద్రవిడ ఉద్యమ నేత ‘పెరియార్‌’ రామస్వామి విగ్రహాన్ని కొందరు గుర్తు తెలియని వ్యక్తులు ధ్వంసం చేశారు. తమిళనాడులోని కాంచీపురం జిల్లా సలవక్కంలో ఈ ఘటన చోటుచేసుకుంది. శుక్రవారం ఉదయం ఈ ఘటన వెలుగుచూసింది. దీంతో ఆ ప్రాంతంలో ఉద్రిక్త వాతావరణం నెలకొంది. పెరియార్‌ గురించి సినీనటుడు రజనీకాంత్‌ వ్యాఖ్యల నేపథ్యంలో విగ్రహం ధ్వంసం అవ్వడం ఈ ఘటనకు ప్రాధాన్యం సంతరించుకుంది.

పెరియార్‌ విగ్రహాన్ని ధ్వంసం చేయడం పట్ల డీఎంకే అధినేత ఎంకే స్టాలిన్‌ మండిపడ్డారు. తమిళుల కోసం పోరాడిన ఓ వ్యక్తి విగ్రహాన్ని ధ్వంసం చేయడం నిజంగా సిగ్గు చేటన్నారు. బాధ్యులను కఠినంగా శిక్షించాలని రాష్ట్ర ప్రభుత్వాన్ని కోరారు. పెరియార్‌ సహా, ఇతర నేతల విగ్రహాలు ఎవరైనా ధ్వంసం చేస్తే కఠిన చర్యలు తీసుకుంటామని డీజీపీ ఎల్‌కే త్రిపాఠి హెచ్చరించారు. ఈ ఘటనపై సమగ్ర విచారణ జరిపి నిందితులను అరెస్ట్‌ చేయాలని ఏఎంఎంకే, సీపీఐ, పీఎంకే పార్టీలు డిమాండ్‌ చేశాయి.

ఇదీ చదవండి..
నేను క్షమాపణ చెప్పను: రజనీకాంత్‌


Advertisement

Tags :

మరిన్ని

జిల్లా వార్తలు
బిజినెస్
మరిన్ని
సినిమా
మరిన్ని
క్రైమ్
మరిన్ని
క్రీడలు
మరిన్ని
పాలిటిక్స్
మరిన్ని
జనరల్
మరిన్ని