‘స్ట్రెయిన్‌’ నిర్ధారణ పరీక్షలపై ఎఫ్‌డీఏ హెచ్చరిక

తాజా వార్తలు

Updated : 10/01/2021 06:15 IST

‘స్ట్రెయిన్‌’ నిర్ధారణ పరీక్షలపై ఎఫ్‌డీఏ హెచ్చరిక

తప్పుడు ఫలితాలు సూచించే అవకాశం ఉందన్న సంస్థ

ఇంటర్నెట్‌ డెస్క్‌: ఉత్పతరివర్తనం చెందిన కొవిడ్‌-19 వైరస్‌ నిర్ధారణ పరీక్షల్లో తప్పుడు ఫలితాలు చూపించే అవకాశం ఉందని అమెరికా ఎఫ్‌డీఏ హెచ్చరించింది. బ్రిటన్‌లో వెలుగు చూసిన బి.1.1.7 కొత్త స్ట్రెయిన్‌ వ్యక్తులకు సోకినప్పటికీ ఆర్‌టీ పీసీఆర్‌ వంటి పరీక్షల్లో నెగెటివ్‌గా తేలే ప్రమాదం ఉందని సూచించింది. ఇప్పటి వరకు అగ్రరాజ్యంలో 50 వరకు కొత్త స్ట్రెయిన్‌ కేసులు నమోదైన సంగతి తెలిసిందే.

‘సార్స్‌ కొవిడ్‌-2 మాలిక్యులర్‌ పరీక్షల్లో ఉత్పరివర్తనం చెందిన వైరస్‌ తప్పుడు ఫలితాలు చూపించే అవకాశం ఉంది. ఈ మేరకు అమెరికాలోని ప్రయోగశాలల సిబ్బంది, ఆరోగ్య సిబ్బందిని ఎఫ్‌డీఏ నుంచి అప్రమత్తం చేస్తున్నాం. అన్ని వైరస్‌ల మాదిరిగానే కాలక్రమేణా కొవిడ్‌-19 ఉత్పరివర్తనం చెందే అవకాశాలు ఎక్కువగా ఉన్నాయి. వీటి నమూనాలు పరీక్షించినప్పుడు తప్పుడు నెగెటివ్‌ ఫలితాలు చూపించొచ్చు’ అని ఎఫ్‌డీఏ తెలిపింది. జన్యు పరివర్తన చెందిన వైరస్‌ స్ట్రెయిన్‌లను పరీక్షించినప్పుడు ఫలితాలు సరిగ్గా వచ్చాయో లేదో తనిఖీ చేసి బాధితులకు నివేదికలు ఇవ్వాలని ఆ సంస్థ ఆదేశించింది.

ఇవీ చదవండి..
ఇప్పుడు యూఎస్‌ రకం కరోనా..!


Advertisement

Tags :

మరిన్ని

జిల్లా వార్తలు
బిజినెస్
మరిన్ని
సినిమా
మరిన్ని
క్రైమ్
మరిన్ని
క్రీడలు
మరిన్ని
పాలిటిక్స్
మరిన్ని
జనరల్
మరిన్ని