Delta Variant: అమెరికా ప్రయత్నాలకు ఇది అడ్డంకే

తాజా వార్తలు

Published : 23/06/2021 14:34 IST

Delta Variant: అమెరికా ప్రయత్నాలకు ఇది అడ్డంకే

పారదోలే ఆయుధాలు మన చెంతే: ఫౌచీ

వాషింగ్టన్‌: కరోనా వైరస్‌ను పారదోలడానికి అమెరికా చేస్తోన్న ప్రయత్నాలకు డెల్టా వేరియంట్ ముప్పుగా పరిణమించిందని ప్రముఖ వైద్య నిపుణుడు ఆంటోనీ ఫౌచీ ఆందోళన వ్యక్తం చేశారు. ఈ మేరకు ఆయన మీడియాతో మాట్లాడారు. ‘మొదట వెలుగులోకి వచ్చిన కరోనా వేరియంట్‌ కంటే డెల్టా వేరియంట్‌కు వేగంగా వ్యాప్తి చెందే లక్షణం ఉంది. అలాగే వ్యాధి తీవ్రతకు కూడా ఇది కారణమవుతోంది. అయితే, ఆ వేరియంట్‌ను అడ్డుకొనే అయుధాలు మనచెంత ఉన్నాయి. వాటిని సమర్థవంతగా ఉపయోగించుకుందాం’ అని ఫౌచీ అన్నారు. ఫైజర్, మోడెర్నా టీకాలతో సహా అమెరికాలో అందుబాటులో ఉన్న టీకాలన్ని ఈ వేరియంట్‌పై ప్రభావంతగా పనిచేస్తున్నాయని చెప్పారు. 

మరోపక్క జులై 4 నాటికి 70 శాతం మంది వయోజనులకు టీకాలు వేయాలనే లక్ష్యాన్ని చేరేందుకు.. అమెరికాకు మరికొంత  సమయం పట్టేలా ఉంది. ఈ విషయాన్ని శ్వేతసౌధ సీనియర్ సలహాదారు జెఫ్రే జీంట్స్ వెల్లడించారు. అధికారిక గణాంకాల ప్రకారం సోమవారం నాటికి.. 45 శాతం మంది ప్రజలు టీకా రెండుడోసులను పొందారు.

భారత్‌లో రెండోదశలో కరోనా ఉగ్రరూపానికి డెల్టా వేరియంటే కారణమని నిపుణులు చెప్తున్నారు. ఈ వేరియంట్‌ను మొదట మనదేశంలోనే గుర్తించారు. ఇప్పటికే ఇది పలుదేశాలకు వ్యాపించింది. బ్రిటన్‌లో కొత్త కేసుల పెరుగుదలకు ఇదే కారణమవుతోందని గణాంకాలు వెల్లడిస్తున్నాయి. దీని విస్తృతిపై ప్రపంచ ఆరోగ్య సంస్థ ఆందోళన వ్యక్తం చేస్తోంది.


Advertisement

Tags :

మరిన్ని

జిల్లా వార్తలు
బిజినెస్
మరిన్ని
సినిమా
మరిన్ని
క్రైమ్
మరిన్ని
క్రీడలు
మరిన్ని
పాలిటిక్స్
మరిన్ని
జనరల్
మరిన్ని