ఉచ్చులో పడొద్దు: అమెరికాకు ఇరాన్‌ హెచ్చరిక

తాజా వార్తలు

Updated : 03/01/2021 13:24 IST

ఉచ్చులో పడొద్దు: అమెరికాకు ఇరాన్‌ హెచ్చరిక

దుబాయి: ఇజ్రాయెల్‌ పన్నే ఉచ్చులో పడొద్దంటూ అమెరికా అధ్యక్షుడు డొనాల్డ్‌ ట్రంప్‌ను ఇరాన్‌‌ హెచ్చరించింది. ఇరాక్‌లో ఉన్న అగ్రరాజ్య భద్రతా బలగాలపై దాడులు చేయటం ద్వారా.. యుద్ధానికి దిగేలా అమెరికాను కవ్వించేందుకు ఇజ్రాయెల్‌ వ్యూహం పన్నుతోందని ఇరాన్‌ విదేశాంగశాఖా మంత్రి మొహమ్మద్‌ జావేద్‌ జరీఫ్‌ హెచ్చరించారు. ఈ మేరకు అమెరికా అధ్యక్షుడు డొనాల్డ్‌ ట్రంప్‌ను ఉద్దేశించి ట్విటర్‌లో ఈ ప్రకటన చేశారు. 

అమెరికా ఇరాక్‌లో జరిపిన డ్రోన్‌ దాడిలో.. ఇరాన్‌ అగ్రశ్రేణి సైనిక నేత జనరల్‌ ఖాసిం సొలేమాని మృతి చెందిన సంగతి తెలిసిందే. ఈ సంఘటన చోటుచేసుకుని ఏడాది కావస్తున్న నేపథ్యంలో అప్రమత్తంగా ఉండాలని ఇరాన్‌ మంత్రి అమెరికాకు సూచించారు. ఇరాక్‌లోని తమ ఇంటలిజెన్స్‌ వర్గాలు అందించిన నివేదిక ప్రకారం.. అమెరికన్లపై దాడులు జరగవచ్చని కూడా ఆయన అన్నారు. అమెరికా ఏ విధమైన దాడులు జరిపినా.. తిరిగి దానికే ఎదురుదెబ్బ తగిలే విధంగా తీవ్ర పరిణామాలకు దారితీయగలదని ఆయన హెచ్చరించారు.

ఇరాక్‌లోని తమ రాయబార కార్యాలయం, భద్రతా బలగాలపై చోటుచేసుకున్న దాడులు ఇరాన్‌ ప్రోద్బలంతోనే జరిగినవే అని అమెరికా ఆరోపిస్తూ వస్తోంది. ఐతే, ఇరాన్‌ నేత జావేద్‌ జరీఫ్‌ తాజా వ్యాఖ్యపై అమెరికా ఇంకా స్పందించలేదు. ఇక ఇజ్రాయెల్‌లోని బెంజమిన్‌ నెతన్యాహు ప్రభుత్వం ఈ విషయమై వ్యాఖ్యానించేందుకు నిరాకరించింది.

ఇవీ చదవండి..

కోవాగ్జిన్‌ టీకాకు డీసీజీఐ అనుమతి 

టీకా తీసుకున్న వైద్యుడిలో దుష్ప్రభావాలు


Advertisement

Tags :

మరిన్ని

జిల్లా వార్తలు
బిజినెస్
మరిన్ని
సినిమా
మరిన్ని
క్రైమ్
మరిన్ని
క్రీడలు
మరిన్ని
పాలిటిక్స్
మరిన్ని
జనరల్
మరిన్ని