Jammu kashmir: లభ్యమైన మృతదేహం ఆయనదే..!

తాజా వార్తలు

Published : 24/09/2021 00:05 IST

Jammu kashmir: లభ్యమైన మృతదేహం ఆయనదే..!

శ్రీనగర్‌: జమ్మూకశ్మీర్‌లోని కుల్గాంలో లభ్యమైన మృతదేహం రైఫిల్‌మ్యాన్‌ షాకిర్‌ మంజూర్‌దేనని పోలీసులు ధ్రువీకరించారు. గతేడాది ఆగస్టు 2న షాకిర్‌ తప్పిపోయిన విషయం తెలిసిందే. అప్పటినుంచి అతని కోసం గాలిస్తునే ఉన్నారు. తాజాగా నిన్న కుళ్లిపోయిన మృతదేహాన్ని స్థానికులు గుర్తించి పోలీసులకు సమాచారం ఇచ్చారు. దీంతో మృతదేహాన్ని పరీక్షించి తప్పిపోయిన షాకిర్‌గా ధ్రువీకరించారు. అతడు అదృశ్యమైన 13 నెలల తర్వాత అతడి మృతదేహాన్ని గుర్తించడం గమనార్హం. ఉగ్రవాదులు అతడ్ని కిడ్నాప్‌ చేసి చిత్రహింసలు పెట్టి హతమార్చినట్లు పోలీసులు తెలిపారు.

దీనిపై షాకిర్‌ తండ్రి మంజూర్‌ అహ్మద్‌ మాట్లాడుతూ..‘‘ఇన్ని రోజులు కొడుకు తప్పిపోయాడని అతని కోసం వెతుకుతూనే ఉన్నాను. చివరకు మృతదేహమైనా లభించింది. ఎన్నిసార్లు షాకిర్‌ గురించి అడిగిన పోలీసులు తెలియలేదనే సమాధానం ఇచ్చారు. పాకిస్థాన్‌లో ఉండొచ్చు. ఉగ్రవాదులతో కలిసి పోవచ్చు అనే మాటలు నాకు చాలా బాధ కలిగించాయి. ఈరోజు నా కొడుకును కోల్పోయినందుకు బాధగా ఉంది. కానీ మాయని మచ్చ తొలగిపోయినందుకు సంతోషిస్తున్నాను’’ అని పేర్కొన్నారు. కాగా,  మృతదేహాన్ని చూసి కుటుంబసభ్యులు శోకసంద్రంలో మునిగిపోయారు. సైనిక లాంఛనాలతో మృతుని స్వగ్రామంలోనే అంత్యక్రియలు నిర్వహించారు.


Advertisement

Tags :

మరిన్ని

జిల్లా వార్తలు
బిజినెస్
మరిన్ని
సినిమా
మరిన్ని
క్రైమ్
మరిన్ని
క్రీడలు
మరిన్ని
పాలిటిక్స్
మరిన్ని
జనరల్
మరిన్ని