వైట్‌హౌస్‌ను వీడేందుకు సిద్ధంగా మెలానియా?

తాజా వార్తలు

Published : 10/12/2020 23:43 IST

వైట్‌హౌస్‌ను వీడేందుకు సిద్ధంగా మెలానియా?

వాషింగ్టన్: అమెరికా అధ్యక్ష ఎన్నికల్లో డెమొక్రటిక్‌ అభ్యర్థి జోబైడెన్‌ విజయం సాధించినప్పటికీ.. ప్రస్తుత అధ్యక్షుడు ట్రంప్‌ ఓటమిని అంగీకరించని విషయం తెలిసిందే. దీనిపై అమెరికా ప్రథమ మహిళ మెలానియా ట్రంప్‌ ఇప్పటి వరకూ బహిరంగంగా ఎలాంటి వ్యాఖ్యలూ చేయలేదు. అయితే, ఆమె మాత్రం వైట్‌హౌస్‌ను వీడాలని అనుకుంటోందని తెలిసింది. వైట్‌హౌస్‌ వీడిన తర్వాత బడ్జెట్‌, సిబ్బంది కేటాయింపుల విషయాలు చూసుకొనేందుకు ఓ వ్యక్తిని నియమించినట్లు తెలుస్తోంది. ఆ మేరకు అన్ని ఏర్పాట్లూ పూర్తి చేసుకొంటోందని ఆమె సన్నిహితులు తెలిపారు. 2024లో తిరిగి వైట్‌హౌస్‌లో అడుగుపెడతానన్న ట్రంప్‌ మాటలపై మెలానియా అపనమ్మకంగా ఉన్నారని ఆమె తెలిపారు.

ప్రస్తుతం అమెరికా ప్రథమ మహిళగా మెలానియా తన బాధ్యతల్లో పూర్తిగా నిమగ్నమై ఉన్నారని ఆమె ముఖ్య సహాయకురాలు తెలిపారు. ఆమె వైట్‌హౌస్‌లోని గులాబీతోట సంరక్షణ, ఈ ఏడాది క్రిస్మస్‌ సంబరాలతో పాటు తల్లిగా, భార్యగా, అమెరికా ప్రథమ మహిళగా తన బాధ్యతల్లో తీరిక లేకుండా ఉన్నారని ఆమె వివరించారు. ఇప్పటి వరకూ అమెరికా అధ్యక్షులుగా పనిచేసిన వారు, వారి భార్యలు వైట్‌హౌస్‌లో తమ అనుభవాలను వివరిస్తూ పుస్తకాలు విడుదల చేశారు. మెలానియా కూడా వారి బాటలోనే నడుస్తున్నారు. కానీ పూర్తిస్థాయి రచన కాకుండా ఎక్కువశాతం ఫొటోలతో ఈ పుస్తకాన్ని రూపొందిస్తున్నట్లు తెలుస్తోంది. దీనిపై ఇప్పటికే వివిధ ప్రచురణ సంస్థలతో మెలానియా సమావేశమయ్యారని సమాచారం.


Advertisement

Tags :

మరిన్ని

జిల్లా వార్తలు
బిజినెస్
మరిన్ని
సినిమా
మరిన్ని
క్రైమ్
మరిన్ని
క్రీడలు
మరిన్ని
పాలిటిక్స్
మరిన్ని
జనరల్
మరిన్ని