ట్రంప్‌ ప్రచారానికి రష్యా విమానాలు..!

తాజా వార్తలు

Published : 15/09/2020 12:51 IST

ట్రంప్‌ ప్రచారానికి రష్యా విమానాలు..!

ఇంటర్నెట్‌డెస్క్‌: ట్రంప్‌కు రష్యాకూ ఏదో అవినాభావ సంబంధం ఉంది. గతంలో ఆయన గెలిస్తే రష్యా సాయం చేసిందనే ఆరోపణలు వెల్లువెత్తి.. దర్యాప్తు దాకా దారితీసింది.. ఈసారి ట్రంప్‌ ప్రచారంలో ఓ పొరబాటు చోటు చేసుకోవడంతో మరోసారి రష్యా పేరు బయటకు వచ్చింది.

ఈసారి అధ్యక్ష ఎన్నికల్లో ప్రచారం కోసం ట్రంప్‌ ప్రాతినిధ్యం వహిస్తున్న రిపబ్లికన్‌ పార్టీకి చెందిన నేషనల్‌ కమిటీ అండ్‌ ది క్యాంపెయిన్‌ ఓ ప్రకటన విడుదల చేసింది. దీనిలో ప్రజలు అమెరికా సైనిక దళాలకు మద్దతు తెలిపాలని కోరారు. ఇంత వరకు బాగానే ఉంది. కానీ, ఆ ప్రకటనలో అమెరికా విమానాల ఫొటోలకు బదులు రష్యా విమానాల ఫొటోలను వాడారు. దీనిని ఎవరూ సరి చూసుకోకుండానే విడుదల చేశారు.

ఈ ప్రకటనను ట్రంప్‌ ‘మేక్‌ అమెరికా గ్రేట్‌ అగైన్‌’ కమిటీ తయారు చేసింది. ముగ్గురు అమెరికా సైనికులు నడిచి వెళుతుంటే.. వారిపై నుంచి మూడు రష్యా జెట్‌ విమానాలు దూసుకెళుతున్నట్లు ఉంది. ప్రకటనలో చూపించిన విమానాల చిత్రాలు మిగ్‌-29లుగా రక్షణ రంగ నిపుణుడు పెర్రీస్ప్రే గుర్తించారు. ఈ రకం విమానాలను రష్యా మాత్రమే తయారు చేస్తుంది. రెండు ఇంజిన్లతో చాలా స్పష్టంగా కనిపిస్తోంది.  రష్యాకు చెందిన రుస్లన్‌ పాల్కోవ్‌ కూడా వీటిని మిగ్‌-29లుగా నిర్ధారించారు. అదే చిత్రంలోని ఒక సైనికుడు సోవియట్‌‌ హయాంలో తయారైన ఏకే-74 రైఫిల్‌ను ధరించినట్లు గుర్తించారు.  దీంతో ఆ చిత్రంలోని వారు అసలు అమెరికా సైనికులేనా అనే అనుమానాలు వ్యక్తమయ్యాయి. ఈ డిజిటల్‌ ప్రచార చిత్రం సెప్టెంబర్‌ 8-12 వరకు ఆన్‌లైన్‌లోనే ఉంది. కనీస అవగాహన కూడా లేకుండా సేకరించిన ఇటువంటి చిత్రాలతో ఏకంగా అమెరికా అధ్యక్ష ఎన్నికల్లో ప్రచారం నిర్వహించడం హాస్యాస్పదంగా మారింది. రిపబ్లికన్‌ పార్టీలో ఇవేమీ కొత్తకాదు. గత అక్టోబర్‌లో ఆ పార్టీ రిప్రజెంటేటీవ్‌ బ్రయాన్‌ మాస్ట్‌ రష్యాకు చెందిన ఓ నౌక ఫొటోను ట్వీట్‌ చేసి ‘హ్యాపీ బర్త్‌డే టూ యూఎస్‌ నేవీ’ అని క్యాప్షన్‌ ఇచ్చారు. ఆ తర్వాత నాలిక్కరుచుకొని ఆ ట్వీట్‌ను తొలగించారు

ఇక మిగ్‌ 29 విమానాలను అమెరికాకు చెందిన ఎఫ్‌-15, ఎఫ్‌-16లను ఎదుర్కోవడానికి సోవియట్‌ హయాంలో తయారు చేశారు. భారత్‌ కూడా ఈ మిగ్‌ 29 విమానాలను వినియోగిస్తోంది. చైనాతో ఘర్షణ నేపథ్యంలో కొన్ని నెలల కిందటే ఇటువంటివి మరికొన్ని విమానాల కొనుగోలుకు ప్రయత్నాలు మొదలుపెట్టింది. 


Advertisement

Tags :

మరిన్ని

జిల్లా వార్తలు
బిజినెస్
మరిన్ని
సినిమా
మరిన్ని
క్రైమ్
మరిన్ని
క్రీడలు
మరిన్ని
పాలిటిక్స్
మరిన్ని
జనరల్
మరిన్ని