ఇండియన్‌-అమెరికన్‌లే లక్ష్యంగా ట్రంప్‌ ప్రచారం..!

తాజా వార్తలు

Published : 24/08/2020 00:29 IST

ఇండియన్‌-అమెరికన్‌లే లక్ష్యంగా ట్రంప్‌ ప్రచారం..!

ప్రచార వీడియోను విడుదల చేసిన ట్రంప్‌ బృందం

వాషింగ్టన్‌: అమెరికాలో సాధారణ ఎన్నికలకు సమయం దగ్గర పడుతున్న నేపథ్యంలో ప్రస్తుత అధ్యక్షుడు డొనాల్డ్‌ ట్రంప్‌ రోడ్‌షోలతో దూసుకెళ్తుండగా, ప్రత్యర్థి జోబైడెన్‌ కూడా ఎన్నికల ప్రచారాన్ని ముమ్మరం చేశారు. ఇక అమెరికా ఎన్నికల్లో ఇండియన్ అ‌మెరికన్ల కీలక పాత్ర పోషిస్తారనే విషయం తెలిసిందే. తాజాగా ఇండియన్ అమెరికన్‌లే లక్ష్యంగా జరిపే ప్రచారాన్ని ట్రంప్‌ ప్రచార బృందం ప్రారంభించింది. డొనాల్డ్‌ ట్రంప్‌ ‘4 మోర్‌ ఇయర్స్‌’ అంటూ ఇండియన్ అమెరికన్‌ ఓటర్లను ఆకర్షించేందుకు ప్రయత్నాలు మొదలుపెట్టింది. దీనిలో భాగంగా తొలి ప్రచార వీడియోను విడుదల చేసింది.

అమెరికా అధ్యక్షుడు భారత్‌లో పర్యటించిన సమయంలో ప్రసంగంతోపాటు నరేంద్ర మోదీ అమెరికా పర్యటనలో చేసిన ప్రసంగాన్ని జతకలిపి రూపొందించిన వీడియోను తాజాగా విడుదల చేశారు. దీన్ని ట్రంప్‌ విక్టరీ ఫైనాన్స్‌ కమిటీ ఛైర్మన్‌, ట్రంప్‌ బృందం సలహాదారు కింబర్లీ గుల్‌ఫోయేల్‌ ట్విటర్‌లో షేర్‌ చేశారు. ‘భారత్‌తో ఉన్న గొప్ప అనుబంధాన్ని అమెరికా ఆస్వాదిస్తోంది. ఇండియన్ అమెరికన్ల నుంచి వస్తోన్న మద్దతుతో మా ఎన్నికల ప్రచార బృందం మరింత ఉత్సాహంతో ముందుకెళ్తోంది’ అని కింబర్లీ ట్విటర్‌లో పేర్కొన్నారు.

గత సంవత్సరం సెప్టెంబర్‌ నెలలో అమెరికాలో భారత ప్రధాని నరేంద్రమోదీ పర్యటించిన విషయం తెలిసిందే. ఈ సందర్భంలో హ్యూస్టన్‌ వేదికగా జరిగిన హౌడీ మోదీ కార్యక్రమానికి భారీ సంఖ్యలో అక్కడున్న భారతీయులు, మోదీ మద్దతుదారులు హాజరయ్యారు. ఇక ఈ సంవత్సరం ఫిబ్రవరి నెలలో అమెరికా అధ్యక్షుడు డొనాల్డ్‌ ట్రంప్‌ భారత్‌లో పర్యటించిన సందర్భంలో ఏర్పాటు చేసిన బహిరంగసభలో ట్రంప్‌ ప్రసంగించారు. ఈ రెండు సందర్భాల్లోని ప్రసంగాలను కలిపి ట్రంప్‌ ఎన్నికల ప్రచారబృందం ఈ వీడియోను రూపొందించింది.



Advertisement

Tags :

మరిన్ని

జిల్లా వార్తలు
బిజినెస్
మరిన్ని
సినిమా
మరిన్ని
క్రైమ్
మరిన్ని
క్రీడలు
మరిన్ని
పాలిటిక్స్
మరిన్ని
జనరల్
మరిన్ని