close

తాజా వార్తలు

Published : 24/01/2020 11:58 IST
Facebook Share Twitter Share WhatsApp Share Telegram Share

నిరసన ప్రజాస్వామ్య లక్షణం: ప్రణబ్‌

దిల్లీ: ప్రస్తుతం దేశవ్యాప్తంగా జరుగుతున్న శాంతియుత నిరసనలు ప్రజాస్వామ్య వ్యవస్థ మూలాలను మరింత పటిష్ఠం చేస్తాయని మాజీ రాష్ట్రపతి ప్రణబ్‌ ముఖర్జీ అభిప్రాయపడ్డారు. వాదోపవాదాలు, నిరసన వ్యక్తం చేయడం ప్రజాస్వామ్య లక్షణాలని వ్యాఖ్యానించారు. భారత్‌లో ప్రజాస్వామ్యాన్ని పరిపుష్టం చేయడానికి చేసిన ప్రయత్నాల్ని పదే పదే మననం చేసుకోవాల్సిన అవసరం ఉందన్నారు. లేనిపక్షంలో నియంతృత్వ ధోరణి క్రమంగా పాతుకుపోతుందని వివరించారు. గత కొన్ని నెలలుగా ప్రజలు ముఖ్యంగా యువత తమ భావాలకు విరుద్ధంగా ఉన్న అంశాలపై నిరసన వ్యక్తం చేస్తున్నారని గుర్తుచేశారు. దిల్లీలో జరిగిన భారత తొలి ఎన్నికల ప్రధాన కమిషనర్‌ సుకుమార్‌ సేన్‌ సంస్మరణ సభలో గురువారం ఆయన ఈ వ్యాఖ్యలు చేశారు. భారత ప్రజాస్వామ్య వ్యవస్థ ఎన్నో సవాళ్లను ఎదుర్కొని నిలిచిందని ప్రణబ్‌ గుర్తుచేశారు. 

దేశవ్యాప్తంగా పౌరసత్వ సవరణ చట్టం(సీఏఏ), జాతీయ పౌర పట్టిక(ఎన్‌ఆర్‌సీ), ఎన్‌ఆర్‌పీ తదితర అంశాలపై గత కొంత కాలంగా తీవ్ర నిరసనలు వ్యక్తం అవుతున్న విషయం తెలిసిందే. ఈ నేపథ్యంలో తాజాగా ప్రణబ్‌ ముఖర్జీ చేసిన వ్యాఖ్యలు ప్రాధాన్యం సంతరించుకున్నాయి. 


Tags :

జాతీయ-అంతర్జాతీయ

రాజకీయం

జనరల్‌

సినిమా

క్రైమ్

స్పోర్ట్స్

బిజినెస్‌

జిల్లా వార్తలు
మరిన్ని

దేవతార్చన

+

© 1999- 2020 Ushodaya Enterprises Pvt.Ltd,All rights reserved.
Powered By Margadarsi Computers

Android PhonesApple Phones

For Editorial Feedback - eMail: infonet@eenadu.net
For Digital Marketing enquiries Contact :
040 - 23318181 eMail :marketing@eenadu.net
Best Viewed In Latest Browsers

Terms & Conditions   |   Privacy Policy

Contents of eenadu.net are copyright protected.Copy and/or reproduction and/or re-use of contents or any part thereof, without consent of UEPL is illegal.Such persons will be prosecuted.