close
Array ( ) 1

తాజా వార్తలు

Published : 04/07/2020 01:46 IST
Facebook Share Twitter Share WhatsApp Share Telegram Share

ఆరేళ్ల బాలుణ్ని పొట్టనబెట్టుకున్న ఉగ్రవాది హతం

శ్రీనగర్‌: గత వారం ఓ ఆరేళ్ల బాలుణ్ని పొట్టనబెట్టుకున్న కరడు గట్టిన ఉగ్రవాదిని భద్రతా బలగాలు ఎట్టకేలకు గురువారం రాత్రి మట్టుబెట్టాయి. అనంత్‌నాగ్‌ జిల్లా బిజ్‌బెహరా ప్రాంతంలో సీఆర్‌పీఎఫ్‌ బృందంపై ఉగ్రవాదులు గతవారం విచక్షణారహితంగా కాల్పులకు తెగబడ్డ విషయం తెలిసిందే. ఈ ఘటనలో ఓ జవాన్‌ సహా ఆరేళ్ల బాలుడు మృతిచెందాడు. అనంతరం బలగాలు జరిపిన కాల్పుల నుంచి తప్పించుకున్న ముష్కరుడు శ్రీనగర్‌లోకి ప్రవేశించాడు.

ఈ క్రమంలో గురువారం రాత్రి ఆ ఉగ్రవాది శ్రీనగర్‌లోని బల్‌బాగ్ ప్రాంతంలో నక్కి ఉన్నాడన్న పక్కా సమాచారంతో పోలీసులు, భద్రతా బలగాలతో కలిసి నిర్బంధ తనిఖీలు నిర్వహించాయి. ఈ క్రమంలో దళాల కదలికల్ని పసిగట్టిన ముష్కరుడు కాల్పులకు తెగబడ్డాడు. దీంతో బలగాలు ఎదురుకాల్పులు జరపగా.. ఉగ్రవాది అక్కడికక్కడే హతమయ్యాడు. అతడు జమ్మూకశ్మీర్‌ ఇస్లామిక్‌ స్టేట్‌కు చెందిన జహీద్‌ దాస్‌గా గుర్తించారు. ఈ ఘటనలో ఓ సీర్పీఎఫ్‌ జవాన్‌ కూడా అమరుడవడం విచారకరం.


Tags :

జాతీయ-అంతర్జాతీయ

రాజకీయం

జనరల్‌

సినిమా

క్రైమ్

స్పోర్ట్స్

బిజినెస్‌

జిల్లా వార్తలు
సినిమా
మరిన్ని

దేవతార్చన

+

© 1999- 2020 Ushodaya Enterprises Pvt.Ltd,All rights reserved.
Powered By Margadarsi Computers

Android PhonesApple Phones

For Editorial Feedback - eMail: infonet@eenadu.net
For Digital Marketing enquiries Contact :
040 - 23318181 eMail :marketing@eenadu.net
Best Viewed In Latest Browsers

Terms & Conditions   |   Privacy Policy

Contents of eenadu.net are copyright protected.Copy and/or reproduction and/or re-use of contents or any part thereof, without consent of UEPL is illegal.Such persons will be prosecuted.