close

తాజా వార్తలు

Published : 07/07/2020 15:46 IST
Facebook Share Twitter Share WhatsApp Share Telegram Share

ఉద్యోగుల కోసం ఇన్ఫోసిస్‌ ప్రత్యేక విమానం!

200 మందిని భారత్‌కు చేర్చిన సంస్థ

బెంగళూరు: కొవిడ్‌-19 సంక్షోభం కారణంగా అమెరికాలో చిక్కుకుపోయిన ఇన్ఫోసిస్‌ ఉద్యోగుల్ని సంస్థ సోమవారం భారత్‌కు తీసుకొచ్చింది. దీనికోసం ప్రత్యేక విమానం ఏర్పాటు చేసింది. మొత్తం 200 మందిని స్వదేశానికి చేర్చింది. వీరిలో కొంతమంది ఉద్యోగులు కాగా.. మరికొంత మంది వారి కుటుంబ సభ్యులు ఉన్నారు. బెంగళూరు సహా దేశంలో ఇతర ప్రాంతాల్లో ఉన్న ఇన్ఫోసిస్‌ కార్యాలయాల నుంచి వీరు పనిచేసేందుకు వెసులుబాటు కల్పించింది. స్వదేశానికి చేరుకున్న వారిలో కొంతమంది వీసా గడువు కూడా ముగిసినట్లు సమాచారం.

కరోనా కట్టడి నిబంధనల్లో భాగంగా అన్ని అంతర్జాతీయ విమాన సర్వీసులను భారత్‌ రద్దు చేసిన విషయం తెలిసిందే. అన్‌లాక్ 2.0లో భాగంగా ఈ నిషేధాన్ని జులై 31 వరకు పొడిగించారు. కొన్ని కార్గో విమానాలు మాత్రమే నడుస్తున్నాయి. ఇక విదేశాల్లో చిక్కుకుపోయిన భారతీయుల్ని వెనక్కి తీసుకొచ్చేందుకు ‘వందే భారత్‌’ పేరిట కేంద్ర ప్రభుత్వం ప్రత్యేక విమానాల్ని నడుపుతున్న విషయం తెలిసిందే.


Tags :

మరిన్ని

జిల్లా వార్తలు
బిజినెస్
మరిన్ని
సినిమా
మరిన్ని
క్రైమ్
మరిన్ని
క్రీడలు
మరిన్ని
పాలిటిక్స్
మరిన్ని
జనరల్
మరిన్ని