అమెరికాలో ఆరు బయటే క్షౌరం!

తాజా వార్తలు

Published : 23/07/2020 12:05 IST

అమెరికాలో ఆరు బయటే క్షౌరం!

కాలిఫోర్నియాలో ఔట్‌ డోర్‌ సెలూన్లకే అనుమతి
వైరస్‌ తీవత్రతో అమెరికా రాష్ట్రాల్లో కొనసాగుతున్న ఆంక్షలు!

కాలిఫోర్నియా: అగ్రరాజ్యం అమెరికాలో కరోనా వైరస్‌ విలయతాండవం చేస్తోంది. నిత్యం దాదాపు 60వేలకుపైగా పాజిటివ్‌ కేసులు నమోదవుతున్నాయి. దీంతో ఆయా రాష్ట్రాలు కరోనా కట్టడికి చర్యలు తీసుకుంటున్నాయి. పలు రాష్ట్రాలు అమలుచేస్తోన్న ఆంక్షలు అక్కడి వ్యాపార, ఉపాధి అవకాశాలపై తీవ్ర ప్రభావం చూపుతోంది. తాజాగా వైరస్‌ తీవ్రత ఎక్కువగా ఉండడంతో కాలిఫోర్నియాలో ఆంక్షలు కొనసాగుతూనే ఉన్నాయి. ఇప్పటికే హెయిర్‌ సెలూన్‌ కేంద్రాలు మూసివేయాలని అక్కడి ప్రభుత్వం ఆదేశించింది. తాజాగా ఆంక్షలను సడలించిన ప్రభుత్వం, కేవలం క్షౌరశాలలను బహిరంగ ప్రదేశాల్లోనే నిర్వహించుకునేందుకు అనుమతి ఇచ్చింది. ఆరుబయట కూడా భౌతిక దూరం, మాస్కులు ధరించడం, శానిటైజ్‌ చేయడం తదితర నిబంధనలు తప్పనిసరిగా పాటించాలని ప్రభుత్వం దుకాణదారులను ఆదేశించింది. దీంతో దుకాణాల ముందే టెంట్లు వేసి హెయిర్‌ కటింగ్‌ పనులు చేస్తున్నారు. అయితే కనీసం ఆరుబయటనైనా నిర్వహించేందుకు అనుమతి ఇచ్చినందుకు ఊరట లభించిందని హెయిర్‌ సెలూన్‌ నిర్వాహకులు అభిప్రాయపడుతున్నారు. ఇదిలాఉంటే, అమెరికాలో ఇప్పటివరకు 39లక్షల కరోనా కేసులు నమోదుకాగా వీరిలో లక్షా 47వేల మంది ప్రాణాలు కోల్పోయారు.

ఇవీ చదవండి..
అమెరికాలో పరిస్థితులు మరింత క్షీణిస్తాయ్‌..ట్రంప్‌
ఆ చైనా కాన్సులేట్‌ మూసేయండి..అమెరికా ఆదేశం!


Advertisement

Tags :

మరిన్ని

జిల్లా వార్తలు
బిజినెస్
మరిన్ని
సినిమా
మరిన్ని
క్రైమ్
మరిన్ని
క్రీడలు
మరిన్ని
పాలిటిక్స్
మరిన్ని
జనరల్
మరిన్ని