close

తాజా వార్తలు

Updated : 07/08/2020 16:34 IST
Facebook Share Twitter Share WhatsApp Share Telegram Share

కేరళలో విరిగిన కొండచరియలు: 9మంది మృతి

తిరువనంతపురం: కేరళలోని పలు చోట్ల కురుస్తున్న భారీ వర్షాలు బీభత్సం సృష్టిస్తున్నాయి. ఇడుక్కి జిల్లా రాజమలలో భారీ కొండ చరియలు విరిగిపడ్డాయి. ఈ ఘటనలో ఇప్పటివరకు తొమ్మిది మంది ప్రాణాలు కోల్పోగా.. దాదాపు 60 మంది వరకు శిథిలాల కింద చిక్కుకొని ఉంటారని అధికారులు భావిస్తున్నారు. ఘటనా స్థలంలో సహాయక చర్యలు ముమ్మరంగా కొనసాగిస్తున్నారు. చిక్కుకున్న వారంతా తేయాకు తోటల్లో పనిచేసే కార్మికులుగా గుర్తించారు. 

ఐఏఎఫ్‌ సాయం కోరిన సీఎం
ఈ ఘటనతో రాష్ట్ర ప్రభుత్వం మరింత అప్రమత్తమైంది. ఇడుక్కి జిల్లాలోని రాజమలలో సహాయక చర్యలు చేపట్టేందుకు ఎన్డీఆర్‌ఎఫ్‌ బృందాలను రంగంలోకి దించినట్టు సీఎం పినరయి విజయన్‌  ట్విటర్‌లో వెల్లడించారు. పోలీసు‌, అగ్నిమాపక దళం, రెవెన్యూ అధికారులు సహాయక చర్యల్లో నిమగ్నమై ఉన్నట్టు చెప్పారు. కొండ చరియలు విరిగిపడిన ప్రదేశంలో చిక్కుకున్న వారిని రక్షించేందుకు హెలికాప్టర్లను రంగంలోకి దించాలని విజయన్‌ భారత వైమానిక దళాన్ని కోరారు.

కొండ చరియలు విరిగిపడిన ప్రదేశం వద్దకు మొబైల్‌ వైద్య బృందాలతో పాటు 15 అంబులెన్స్‌లను పంపినట్టు ఆరోగ్యమంత్రి కేకే శైలజ వెల్లడించారు. అవసరమైతే మరిన్ని వైద్య బృందాలను తరలిస్తామని చెప్పారు. ఈ ఘటనలో ఇప్పటివరకు 10 మందిని కాపాడగలిగినట్టు అధికారులు చెప్పారు. సహాయక చర్యల కోసం మరో 50మంది స్పెషల్‌ టాస్క్‌ఫోర్స్‌బృందాన్ని అక్కడికి పంపిస్తున్నట్టు సీఎం విజయన్‌ ట్విటర్‌లో పేర్కొన్నారు.

మరోవైపు, కేరళలో వర్షాలకు అనేక ప్రాంతాలు జలమయమయ్యాయి. పెరియార్‌ నది నీటిమట్టం పెరిగింది. ఈ నది ఉద్ధృతితో ఆలువా శివాలయం నీటమునిగింది. ఎర్నాకుళం, ఇడుక్కి, త్రిస్సూర్‌, పాలక్కాడ్‌, కోజికోడ్‌, వయనాడ్‌, కన్నూరు, కాసర్‌గోడ్‌లలో ఆరెంజ్‌‌ అలర్ట్‌ ప్రకటించారు. మలప్పురంలో భారత వాతావరణ శాఖ రెడ్‌ అలర్ట్‌ జారీ చేసింది.



Tags :

జాతీయ-అంతర్జాతీయ

రాజకీయం

జనరల్‌

సినిమా

క్రైమ్

స్పోర్ట్స్

బిజినెస్‌

జిల్లా వార్తలు
సినిమా
మరిన్ని

దేవతార్చన

+

© 1999- 2020 Ushodaya Enterprises Pvt.Ltd,All rights reserved.
Powered By Margadarsi Computers

Android PhonesApple Phones

For Editorial Feedback - eMail: infonet@eenadu.net
For Digital Marketing enquiries Contact :
040 - 23318181 eMail :marketing@eenadu.net
Best Viewed In Latest Browsers

Terms & Conditions   |   Privacy Policy

Contents of eenadu.net are copyright protected.Copy and/or reproduction and/or re-use of contents or any part thereof, without consent of UEPL is illegal.Such persons will be prosecuted.