తనువంతా రామమయం!

రామకోటి ఎక్కడ రాస్తారు? పుస్తకాలు, తాళపత్రాలపై అని ఠక్కున చెప్పేస్తాం. కానీ ఛత్తీస్‌గఢ్‌ రాష్ట్రంలోని ఓ తెగ వారు తమ దేహాన్ని రాముడికి అంకితమిచ్చి తమ శరీరం మీద రామకోటి రాసుకుని తరిస్తున్నారు. వారిని రామనామి తెగ అని పిలుస్తారు. ఈ తెగ వారు ఏటా మూడు రోజుల పాటు మేళా నిర్వహిస్తారు. ఆ విశేషాలేంటంటే...
ఛత్తీస్‌గఢ్‌ జిల్లాలోని జంజీర్‌ చపా, సారంగఢ్‌ జిల్లాలో రామ్‌నామి అనే తెగ ప్రజలు కనిపిస్తారు. వీరికి శ్రీరాముడంటే అమితమైన భక్తి. గతంలో వీరికి దేవాలయాల్లో ప్రవేశం లేక పోవడం వల్ల వారి దేహాన్నే రామాలయంగా భావించడం మొదలుపెట్టారు. శరీరం మొత్తం శ్రీరామ అనే పచ్చబొట్లు వేయించుకున్నారు. వీరు పూర్తిగా శాకాహారులు. రోజూ రామాయణం పారాయణ చేస్తారు. వీరింట శుభకార్యమైనా, అశుభం జరిగినా శ్రీరాముని భజన చేస్తారు. ఏటా పుష్యమాసం శుక్ల ఏకాదశి రోజు మూడు రోజుల పాటు మేళా నిర్వహిస్తారు. ఈనెల 24, 25, 26 తేదీల్లో సారంగఢ్‌ జిల్లా నాందిలిలో దీనికి ఏర్పాట్లు చేసుకున్నారు. దీవికి విదేశాల నుంచి కూడా పర్యాటకులు వస్తారు.

-ఉదయ్‌కుమార్‌, మాచ్‌ఖండ్‌

Tags :

మరిన్ని

జిల్లా వార్తలు

చదువు సుఖీభవ మకరందం ఈతరం ఆహా హాయ్ బుజ్జీ స్థిరాస్తి రుచులు దేవతార్చన

మరిన్ని

రుచులు

App