ఉప్పులా కలిసిపోవాలి!

క్రీస్తువాణి

ప్రేమామృతం కురవాల్సిన చోట విద్వేషపు విషం ఎందుకు చిమ్ముతోంది?

అనుబంధాలు బలపడాల్సిన సమయంలో ద్వేషపు జ్వాలలు ఎందుకు చెలరేగుతున్నాయి?

మనుషుల మధ్య వైరుధ్యాలు, వైవిధ్యాలు... ఒకటరంటే ఒకరికి పడకపోవడం, ఒకరిమీద ఒకరికి ఆధిపత్యం.

ఇవన్నీ ఎందుకు? ఇవి పోవాలంటే ఎలా?

మనుషులంతా సౌజన్యం, సామరస్యంతో విశ్వమానవులుగా మెలగాలంటే ఎలా?

వీటన్నిటికీ సమాధానం.. ప్రభువు చెప్పిన ఒక అద్భుతమైన ఉపదేశం ‘‘లోకానికి ఉప్పులా ఉందాం’’

మానవ నైజం ఉప్పులా ఉండాలంటారు క్రీస్తు. ఉప్పు ఏ పదార్థంలోనైనా కలిసిపోతుంది. దానికి రుచిని సమకూరుస్తుంది. మనిషి అలాగే ఉండాలంటారు ప్రభువు. ప్రతి మనిషీ భేషజాలకు, ఆడంబరాలకు అతీతంగా అందరితో కలిసిమెలిసి ముందుకు సాగాలంటారు. ఉప్పులోని సారం మాయమైతే అది నిస్సారం అవుతుంది. నలుగురితో కలవని మనిషి జీవితమూ నిస్సారమే! ఎదుటివారిలో తప్పులు వెతుకుతూ ఒంటరిగా మిగిలిపోయేవారెందరో! ఈ లోకంలో ఎవరూ, ఎవరికీ తీర్పు ఇవ్వకూడదు. అలా తీర్పులిస్తూ వెళ్తే దేవుడి అంతిమ తీర్పునకు లోనుకావాల్సి వస్తుందంటారు క్రీస్తు ప్రభువు. విరిసే వెన్నెల, కురిసే వర్షం, కాచే ఎండ అందరికీ సమానమే. దేవుడు పతితులను, పవిత్రులను సమదృష్టితోనే చూస్తారు. ఈ లోకంలో ఒకరు ఎక్కువ కాదు, తక్కువా కాదు.. అందుకే మనుషులంతా ఉప్పులా ఉండాలి.. అందరికీ రుచికరమైన వారుగా మెలగాలి.

- ఎం.సుగుణరావు

Tags :

మరిన్ని

జిల్లా వార్తలు

వారెవ్వా! చదువు సుఖీభవ ఈ-నాడు మకరందం రయ్.. రయ్ సిరి విజేత ఈ తరం హాయ్! ఆహా హాయ్ బుజ్జీ స్థిరాస్తి రుచులు విహారి