close

ప్రధానాంశాలు

Facebook Share Twitter Share WhatsApp Share Telegram Share
ఆహ్వానించి అవమానిస్తారా

ప్రధాని సభలో మమత ఆగ్రహం

పశ్చిమబెంగాల్‌లో అధికార తృణమూల్‌, భారతీయ జనతా పార్టీ మధ్య జరుగుతున్న రాజకీయ ఘర్షణ ఛాయలు నేతాజీ జయంతి వేడుకల్లోనూ కనిపించాయి. విక్టోరియా మెమోరియల్‌ దగ్గర ప్రధానితో కలసి పాల్గొన్న సభలో మమతా బెనర్జీ ప్రసంగించడానికి నిరాకరించారు. మమతను మాట్లాడేందుకు ఆహ్వానించినపుడు జనంలోని కొందరు జైశ్రీరామ్‌ నినాదాలు చేశారు. దీంతో దీదీ తీవ్ర ఆగ్రహం వ్యక్తం చేశారు. ‘‘ప్రభుత్వ కార్యక్రమానికి ఓ గౌరవం ఉంటుంది. ఇది రాజకీయ సభ కాదు. ప్రజా కార్యక్రమం. కోల్‌కతాలో ఈ కార్యక్రమాన్ని ఏర్పరిచినందుకు ప్రధానమంత్రికి, కేంద్ర సాంస్కృతిక శాఖకు ధన్యవాదాలు. అయితే ఆహ్వానించి అవమానించడం సబబు కాదు, నేను మాట్లాడను. జై బంగ్లా, జైహింద్‌ ’’ అంటూ పూర్తి ప్రసంగం చేయకుండానే ముగించారు. ఈ సంఘటన రాష్ట్రానికే అవమానకరమని సీపీఐ(ఎం) వ్యాఖ్యానించింది. కాంగ్రెస్‌ కూడా మమతా బెనర్జీకి మద్దతు పలికింది.


ముఖ్యాంశాలు

జిల్లా వార్తలు

దేవతార్చన


మరిన్ని
రుచులు