close
ఎట్‌వుడ్‌, ఎవరిస్టోలకు బుకర్‌ ప్రైజ్‌

సంయుక్తంగా వరించిన ప్రతిష్ఠాత్మక ఆంగ్ల సాహితీ పురస్కారం

లండన్‌: ఆంగ్ల సాహితీవేత్తలకు ఇచ్చే ప్రతిష్ఠాత్మక బుకర్‌ ప్రైజ్‌ను ఈ ఏడాది (2019) కెనడా రచయిత్రి మార్గరెట్‌ ఎట్‌వుడ్‌, బ్రిటిష్‌ రచయిత్రి బెర్నర్‌డైన్‌ ఎవరిస్టోలు సంయుక్తంగా గెలుచుకున్నారు. 79 ఏళ్ల ఎట్‌వుడ్‌ను రెండోసారి ఈ బహుమతి వరించగా, బుకర్‌ప్రైజ్‌ గెలుచుకున్న తొలి నల్లజాతి మహిళగా ఎవరిస్టో (60) చరిత్ర సృష్టించారు. ఎట్‌వుడ్‌ రాసిన ‘ద టెస్టమెంట్‌’, ఎవరిస్టో రాసిన ‘గర్ల్‌, ఉమన్‌, అదర్‌’ నవలలు ఈ పురస్కారానికి ఎంపికయ్యాయి. మంగళవారం లండన్‌లో జరిగిన కార్యక్రమంలో వీరిద్దరూ అవార్డును అందుకున్నారు. 50,000 పౌండ్ల (సుమారు రూ.45 లక్షల) బహుమతిని వీరిద్దరూ పంచుకోనున్నారు.

గతంలో తన ‘మిడ్‌నైట్‌ చిల్డ్రన్‌’కు బుకర్‌ ప్రైజ్‌ అందుకున్న ప్రఖ్యాత బ్రిటిష్‌-ఇండియన్‌ రచయిత సల్మాన్‌ రష్దీ... ఈసారి కొద్దిపాటిలో బహుమతికి దూరమయ్యారు. ఆయన రాసిన ‘క్విచాట్‌’ నవల ఆరు పుస్తకాల తుది జాబితాలో చోటు దక్కించుకున్నా, అవార్డుకు మాత్రం ఎంపిక కాలేదు.

ముఖ్యాంశాలు

జిల్లా వార్తలు

దేవతార్చన


రుచులు
+

© 1999- 2019 Ushodaya Enterprises Pvt.Ltd,All rights reserved.
Powered By Margadarsi Computers

Android PhonesApple Phones

For Editorial Feedback - eMail: infonet@eenadu.net
For Digital Marketing enquiries Contact : 9000180611, 040 - 23318181 eMail :marketing@eenadu.net
Best Viewed In Latest Browsers

Terms & Conditions   |   Privacy Policy

Contents of eenadu.net are copyright protected.Copy and/or reproduction and/or re-use of contents or any part thereof, without consent of UEPL is illegal.Such persons will be prosecuted.