ఆకలి తీసింది ఇద్దరి ప్రాణాలు

హైదరాబాద్‌: లాక్‌డౌన్‌ కారణంగా ఆహారం దొరక్క ఆకలితో ఇద్దరు యాచకులు మరణించారు. కంచన్‌బాగ్‌  ఎస్సై వై.మహేష్‌ వివరాల ప్రకారం.. వికారాబాద్‌ జిల్లా కొడంగల్‌కి చెందిన నర్రకోటి మహేష్‌ యాదవ్‌ (38) కొన్నేళ్ల క్రితం నగరానికి వచ్చాడు. చంపాపేట పరిసరాల్లో బిక్షాటన చేస్తున్నాడు. కొన్నిరోజులుగా భోజనం లేక అపస్మారకస్థితిలో ఆదివారం రహదారిపై పడి ఉన్నాడు. పోలీసులు ఉస్మానియా ఆస్పత్రికి తరలించారు. అప్పటికే మృతిచెందినట్లు వైద్యులు తేల్చారు.

* ఐఎస్‌సదన్‌ దాసరి సంజీవయ్యనగర్‌లోని సెంట్రల్‌ ఎక్సైజ్‌ కాలనీలో రోడ్డు పక్కన 40-50 ఏళ్ల వయసు కలిగిన వ్యక్తి ఆదివారం మృతిచెంది ఉన్నాడు. పరిసరాల్లో బిక్షాటన చేసేవాడని స్థానికులు తెలిపారు.