చైనా ఖాతాలు తొలగించిన ఫేస్‌బుక్‌

తాజా వార్తలు

Published : 24/09/2020 00:58 IST

చైనా ఖాతాలు తొలగించిన ఫేస్‌బుక్‌

ఇంటర్నెట్‌ డెస్క్‌: నకిలీ ఖాతాలు, ఫేస్‌బుక్‌ పేజీలు ఉన్న చైనాకు చెందిన నెట్‌వర్క్‌ను ప్రముఖ సామాజిక మాధ్యమం ఫేస్‌బుక్‌ తొలగించింది. అమెరికా సహా ఇతర దేశాల్లోని రాజకీయ కార్యకలాపాలను ఇబ్బందిపరిచేలా ఈ ఖాతాలు ఉన్నాయని ఫేస్‌బుక్‌ వెల్లడించింది. ఆగ్నేయాసియా, ఫిలిప్పీన్స్‌ దేశాల రాజకీయాలపైనే ప్రధానంగా ఈ నెట్‌వర్క్‌ దృష్టి సారించినట్లు తెలిపింది. 
అమెరికా అధ్యక్ష ఎన్నికల్లో రిపబ్లికన్‌ అభ్యర్థి డొనాల్డ్‌ ట్రంప్‌, డెమోక్రాట్ల అభ్యర్థి జోబైడెన్‌లకు వ్యతిరేకంగా, మద్దతుగా ఈ ఖాతాల్లో పోస్టులు చేసినట్లు పేర్కొంది. చైనా ప్రభుత్వంతో ఈ నెట్‌వర్క్‌కు సంబంధాలు ఉన్నాయా లేదా అనే విషయం ఫేస్‌బుక్‌ వెల్లడించలేదు. ప్రైవేటు నెట్‌వర్క్‌లు, ఇతర పద్ధతుల ద్వారా ఈ ఖాతాలను నిర్వహించిన వ్యక్తులు తమ వివరాలను దాచినట్లు తెలిపింది. మరోవైపు విదేశాలకు చెందిన వ్యక్తులు, సైబర్‌ నేరగాళ్లు అమెరికా అధ్యక్ష ఎన్నికల్లో తప్పుడు సమాచారాన్ని ప్రచారం చేసేందుకు, ఎన్నికల్లో జోక్యం చేసుకునేందుకు ప్రయత్నించే అవకాశం ఉందని ఎఫ్‌బీఐ సహా హోంలైన్‌ సెక్యూరిటీస్‌ ఇప్పటికే హెచ్చరికలు జారీ చేశాయి.



Advertisement

Tags :

మరిన్ని

జిల్లా వార్తలు
బిజినెస్
మరిన్ని
సినిమా
మరిన్ని
క్రైమ్
మరిన్ని
క్రీడలు
మరిన్ని
పాలిటిక్స్
మరిన్ని
జాతీయ- అంతర్జాతీయ
మరిన్ని