close
Array ( ) 1

తాజా వార్తలు

‘అమిత్‌షా జీ.. నేనొక ఎంపీనని చెప్పండి’

దిల్లీ పోలీసుల తీరుపై అకాళీదళ్‌ ఎంపీ ఆగ్రహం

దిల్లీ: ఈశాన్య దిల్లీలో చెలరేగిన ఘర్షణల నేపథ్యంలో పోలీసులు వ్యవహరించిన తీరుపై శిరోమణి అకాళీదళ్‌ ఎంపీ నరేశ్‌ గుజ్రాల్‌ తీవ్ర ఆగ్రహం వ్యక్తంచేశారు. ఈ మేరకు కేంద్ర హోంశాఖ మంత్రి, దిల్లీ లెఫ్ట్‌నెంట్‌ గవర్నర్‌ అనిల్‌ బైజాల్‌కు లేఖ రాశారు. ఘర్షణల సమయంలో ఫిర్యాదులు చేసినా పోలీసులు ఉదాసీనతతో వ్యవహరించారని లేఖలో ఆరోపించారు. భాజపా మిత్రపక్షానికి చెందిన గుజ్రాల్‌.. అల్లర్లు జరిగిన మౌజ్‌పూర్‌ ప్రాంతంలో ఓ ఇంట్లో చిక్కుకుపోయిన 16 మందిని కాపాడాలని బుధవారం రాత్రి 11.43 గంటల సమయంలో పోలీసులను కోరానని చెప్పారు. అల్లరిమూక ఆ ఇంటిపై దాడిచేస్తున్న సమయంలో వారికి  సహాయం చేయాలని విజ్ఞప్తి చేసినట్టు  లేఖలో పేర్కొన్నారు. తన ఫిర్యాదు పోలీసులకు అందినా వారు చర్యలు తీసుకోలేదని ఆవేదన వ్యక్తంచేశారు. తాను ఓ ఎంపీనని వాళ్లకు చెప్పండి అంటూ లేఖలో పేర్కొన్నారు. ఆ ఇంటి పొరుగున ఉన్న వారు వచ్చి కాపాడటం వల్లే ఆ 16 మంది  ప్రమాదం నుంచి తప్పించుకోగలిగారని తెలిపారు. ఒక ఎంపీ వ్యక్తిగతంగా ఫిర్యాదు చేసినప్పుడే పరిస్థితి ఇలా ఉంటే.. పోలీసుల ఉదాసీనంగా వ్యవహరిస్తున్న నేపథ్యంలో దిల్లీలోని పలు ప్రాంతాల్లో హింస చెలరేగడం ఆశ్చర్యమేమీ కాదని ఆయన మండిపడ్డారు. 


Tags :

రాజకీయం

జనరల్‌

సినిమా

క్రైమ్

స్పోర్ట్స్

బిజినెస్‌

జాతీయ-అంతర్జాతీయ

జిల్లా వార్తలు
సినిమా

దేవతార్చన

+

© 1999- 2020 Ushodaya Enterprises Pvt.Ltd,All rights reserved.
Powered By Margadarsi Computers

Android PhonesApple Phones

For Editorial Feedback - eMail: infonet@eenadu.net
For Digital Marketing enquiries Contact : 9000180611, 040 - 23318181 eMail :marketing@eenadu.net
Best Viewed In Latest Browsers

Terms & Conditions   |   Privacy Policy

Contents of eenadu.net are copyright protected.Copy and/or reproduction and/or re-use of contents or any part thereof, without consent of UEPL is illegal.Such persons will be prosecuted.