close
Array ( ) 1

తాజా వార్తలు

Published : 19/05/2020 03:39 IST
Facebook Share Twitter Share WhatsApp Share Telegram Share

వుహాన్‌ ల్యాబ్‌పై వెనక్కి తగ్గిన అమెరికా?

వాషింగ్టన్‌: కరోనా వైరస్‌ వ్యాప్తికి చైనానే కారణమని గతకొన్ని రోజులుగా అమెరికా అధ్యక్షుడితో సహా అక్కడి అధికారులు ఆరోపిస్తున్న విషయం తెలిసిందే. అంతేకాకుండా ఈ వైరస్‌ కచ్చితంగా వుహాన్‌ వైరాలజీ ల్యాబ్‌ నుంచే వచ్చిందని ఇప్పటివరకూ ఆరోపిస్తూ వస్తున్నారు. అంతేకాదు దీనికి సంబంధించిన ఆధారాలు కూడా ఉన్నాయని పలుమార్లు స్పష్టం చేశారు. అయితే, తాజాగా ఈ ఆరోపణలపై అమెరికా వెనక్కి తగ్గినట్లు కనిపిస్తోంది. కరోనా వైరస్‌ వుహాన్ నుంచే వచ్చిందని తెలుసు కానీ, ఎక్కడ, ఎవరి నుంచి వచ్చిందనే విషయం తెలియదని అమెరికా విదేశాంగ మంత్రి మైక్‌ పాంపియా వెల్లడించారు. తాజాగా ఓ వార్తా ఛానెల్‌కు ఇచ్చిన ఇంటర్వ్యూలో పాంపియో ఈ విధంగా స్పందించారు. కరోనా వైరస్‌ మూలాలు కనుక్కునేందుకు అక్కడి వారికి సాయపడేందుకు ప్రత్యేక బృందాలను పంపిస్తామని పదేపదే కోరినప్పటికీ చైనా నిరాకరించిందని పాంపియో తెలిపారు.

అయితే ఈ వైరస్‌ వుహాన్‌ వైరాలజీ ల్యాబ్‌ నుంచే వచ్చిందనే విషయంపై స్పష్టత లేదని పాంపియో అంగీకరించారు. ఇప్పటివరకు ఉన్న ఆధారాలు కూడా తప్పు కావచ్చని పాంపియో అభిప్రాయపడ్డారు. అయితే వ్యాక్సిన్‌ అభివృద్ధిలో వైరస్‌ ఎక్కడ పుట్టిందనే విషయం ఎంతో కీలకమన్నారు. ఈ సమయంలో చైనా పారదర్శకత పాటించలేదన్నారు. అంతేకాకుండా ఈ మహమ్మారికి కారణమైన చైనాపై చర్యలు తప్పవని మరోసారి పునరుద్ఘాటించారు. అయితే ఇది ఎలా ఉంటుందనే విషయం మాత్రం అధ్యక్షుడు ట్రంప్‌ నిర్ణయం తీసుకుంటారని వెల్లడించారు. 

గతంలో అమెరికా అధ్యక్షుడు డొనాల్డ్‌ ట్రంప్‌ కూడా ఇదే తరహా ఆరోపణలు చేసిన విషయం తెలిసిందే. ఆ సందర్భంలో కొందరు శాస్త్రవేత్తలు మాత్రం ల్యాబ్‌నుంచి బయటకు వచ్చే అవకాశమే లేదని వాదించారు. అయితే దీనిపై అమెరికా ఇంటెలిజెన్స్‌ విభాగం మాత్రం రెండు వైపుల ఉన్న సాధ్యాసాధ్యాలను పరిశీలిస్తున్నామని తెలిపింది. ఇదిలా ఉంటే, అమెరికాలో ఇప్పటివరకు 15లక్షల మందికి ఈ వైరస్‌ సోకగా 90వేల మంది మరణించారు.


Tags :

బిజినెస్‌

రాజకీయం

జనరల్‌

సినిమా

క్రైమ్

స్పోర్ట్స్

జాతీయ-అంతర్జాతీయ

జిల్లా వార్తలు
మరిన్ని

దేవతార్చన

+

© 1999- 2020 Ushodaya Enterprises Pvt.Ltd,All rights reserved.
Powered By Margadarsi Computers

Android PhonesApple Phones

For Editorial Feedback - eMail: infonet@eenadu.net
For Digital Marketing enquiries Contact :
040 - 23318181 eMail :marketing@eenadu.net
Best Viewed In Latest Browsers

Terms & Conditions   |   Privacy Policy

Contents of eenadu.net are copyright protected.Copy and/or reproduction and/or re-use of contents or any part thereof, without consent of UEPL is illegal.Such persons will be prosecuted.