close
Array ( ) 1

తాజా వార్తలు

Published : 10/04/2020 08:46 IST
Facebook Share Twitter Share WhatsApp Share Telegram Share

మోదీకి ఇజ్రాయెల్‌ ప్రధాని కృతజ్ఞతలు

దిల్లీ: కీలక సమయంలో ప్రపంచ దేశాలకు అవసరమైన ఔషధాలను పంపుతున్న భారత్‌కు ఇప్పుడు అంతర్జాతీయ స్థాయిలో ప్రశంసలు అందుతున్నాయి. కొవిడ్‌-19 చికిత్సలో ఆశాజనక ఫలితాలు ఇస్తుందన్న మలేరియా నివారణ మందు హైడ్రాక్సీక్లోరోక్విన్‌ను పంపినందుకు ఇప్పటికే అమెరికా, బ్రెజిల్‌ సహా మరికొన్ని దేశాలు ప్రధాని మోదీకి ధన్యవాదాలు తెలిపాయి. తాజాగా ఈ జాబితాలో ఇజ్రాయెల్‌ కూడా చేరింది. ఆ దేశ ప్రధాని బెంజమిన్‌ నెతన్యాహూ.. మోదీకి ప్రత్యేకంగా కృతజ్ఞతలు తెలిపారు. ‘‘ఇజ్రాయెల్‌కు క్లోరోక్విన్‌ పంపినందుకు భారత ప్రధాని, నా ఆప్తమిత్రుడు మోదీకి ధన్యవాదాలు. ఇజ్రాయెల్‌ పౌరులంతా మీకు కృతజ్ఞతలు తెలుపుతున్నారు. కరోనా మహమ్మారి విజృంభణ ప్రారంభమైనప్పటి నుంచి నేను మోదీతో తరచూ చర్చిస్తున్నాను. పరిస్థితులపై ఎప్పటికప్పుడు చర్చలు జరుపుతున్నాం’’ అని నెతన్యాహూ ట్వీట్‌ చేశారు.

హైడ్రాక్సీక్లోరోక్విన్‌ను ఉత్పత్తి చేసే పదార్థాలు సహా మరికొన్ని ప్రాణాధార ఔషధాలతో ఎయిరిండియా విమానం మంగళవారం ఇజ్రాయెల్‌కు చేరింది. దాదాపు ఐదు టన్నుల మందుల్ని అందించినట్లు అధికారిక సమాచారం. ఇజ్రాయెల్‌లో ఇప్పటి వరకు 10వేల మందికిపైగా వైరస్‌ బారినపడ్డారు. వీరిలో 86 మంది మృత్యువాతపడగా.. 121 మంది ఐసీయూ ఉన్నారు.

 

ఇవీ చదవండి..

ఔషధ దౌత్యం

కరోనాపై కప్పదాటు ధోరణి: డబ్ల్యూహెచ్‌ఓ వివాదాస్పద సరళి


Tags :

బిజినెస్‌

రాజకీయం

జనరల్‌

సినిమా

క్రైమ్

స్పోర్ట్స్

జాతీయ-అంతర్జాతీయ

జిల్లా వార్తలు
మరిన్ని

దేవతార్చన

+

© 1999- 2020 Ushodaya Enterprises Pvt.Ltd,All rights reserved.
Powered By Margadarsi Computers

Android PhonesApple Phones

For Editorial Feedback - eMail: infonet@eenadu.net
For Digital Marketing enquiries Contact :
040 - 23318181 eMail :marketing@eenadu.net
Best Viewed In Latest Browsers

Terms & Conditions   |   Privacy Policy

Contents of eenadu.net are copyright protected.Copy and/or reproduction and/or re-use of contents or any part thereof, without consent of UEPL is illegal.Such persons will be prosecuted.