close

తాజా వార్తలు

Published : 23/07/2020 11:14 IST
Facebook Share Twitter Share WhatsApp Share Telegram Share

ఆ రెండూ మాకెంతో ఇష్టం: కృనాల్‌ పాండ్య

ఇంటర్నెట్‌డెస్క్‌: ఎన్నో ఏళ్లుగా తమ వద్ద ఉన్న కారు, బైక్‌ అంటే ఎంతో ఇష్టమని టీమ్‌ఇండియా క్రికెటర్‌ కృనాల్‌ పాండ్య తెలిపాడు. తాజాగా ఇన్‌స్టాగ్రామ్‌ వేదికగా ఓ ఫొటో పంచుకున్న కృనాల్‌.. తన సోదరుడు హార్దిక్‌ పాండ్యతో కలిసి వాటిపై కూర్చొని ఉన్నాడు. ఆ కారు, బైక్‌ తమ ఇద్దరికీ చాలా ఇష్టమని, వాటిపై బయటకు వెళ్లడం సరదాగా ఉంటుందని చెప్పాడు. ముంబయిలో కరోనా వైరస్‌ విజృంభిస్తున్న నేపథ్యంలో ఇంటికే పరిమితమైన ఈ సోదరులిద్దరూ అప్పుడప్పుడు సామాజిక మాధ్యమాల్లో అభిమానులకు టచ్‌లో ఉంటున్నారు. మరోవైపు టీమ్‌ఇండియా ఆల్‌రౌండర్‌ హార్దిక్‌ పాండ్య ఇటీవలే తండ్రి కాబోతున్నట్లు వెల్లడించాడు. తన ప్రేయసి నటాషా స్టాంకోవిచ్‌ గర్భవతిగా ఉన్న ఫొటోను సోషల్‌ మీడియాలో పోస్టు చేశాడు. 

ఇక ఈ ఏడాది అక్టోబర్‌లో ఆస్ట్రేలియాలో జరగాల్సిన టీ20 ప్రపంచకప్‌ వాయిదా పడడంతో ఐపీల్‌ 13వ సీజన్‌పై ఆశలు చిగురించాయి. ఇప్పటికీ అధికారిక సమాచారం లేకపోయినా సెప్టెంబర్‌-నవంబర్‌ మధ్యలో యూఏఈలో నిర్వహిస్తారని వార్తలు వస్తున్నాయి. అదే జరిగితే ఈ ముంబయి సోదరులు త్వరలోనే సాధన మొదలు పెట్టాల్సి ఉంటుంది. ఇప్పటికే నాలుగు నెలలుగా ఇంటికి పరిమితమైన ఈ సోదరులు ఐపీఎల్‌లో ఆడాలంటే మళ్లీ ఫిట్‌నెస్‌ సాధించాల్సిన అవసరం ఉంది. కాగా, వీరిద్దరూ 2017, 2019 ముంబయి ఇండియన్స్‌ విజయంలో కీలక పాత్ర పోషించిన విషయం తెలిసిందే.



Tags :

బిజినెస్‌

రాజకీయం

జనరల్‌

సినిమా

క్రైమ్

స్పోర్ట్స్

జాతీయ-అంతర్జాతీయ

జిల్లా వార్తలు
మరిన్ని

దేవతార్చన

+

© 1999- 2020 Ushodaya Enterprises Pvt.Ltd,All rights reserved.
Powered By Margadarsi Computers

Android PhonesApple Phones

For Editorial Feedback - eMail: infonet@eenadu.net
For Digital Marketing enquiries Contact :
040 - 23318181 eMail :marketing@eenadu.net
Best Viewed In Latest Browsers

Terms & Conditions   |   Privacy Policy

Contents of eenadu.net are copyright protected.Copy and/or reproduction and/or re-use of contents or any part thereof, without consent of UEPL is illegal.Such persons will be prosecuted.