అప్పుడు 108సార్లు చాలీసా చదివేవాడిని: పవన్‌
close

తాజా వార్తలు

Published : 09/04/2020 18:11 IST
Facebook Share Twitter Share WhatsApp Share Telegram Share Link Share

అప్పుడు 108సార్లు చాలీసా చదివేవాడిని: పవన్‌

హైదరాబాద్‌: తాను టీనేజ్‌లో ఉండగా హనుమాన్‌ చాలీసా 108 సార్లు చదివేవాడినని అంటున్నారు అగ్ర కథానాయకుడు, జనసేన అధినేత పవన్‌ కల్యాణ్‌. ఏప్రిల్‌ 8వ తేదీ తనకెంతో ప్రత్యేకమంటూ చిరంజీవి 1962లో తనకు లాటరీలో వచ్చిన ఆంజనేయస్వామి బొమ్మను ట్విటర్‌ వేదికగా అభిమానులతో పంచుకున్న సంగతి తెలిసిందే. దానిని ఇప్పటికీ తన వద్దే భద్రంగా దాచుకున్నట్లు చెప్పారు. చిరు చేసిన ఈ ట్వీట్‌కు పవన్‌ కూడా స్పందించారు.

‘‘హనుమంతుడిని ఆరాధించడం మా సోదరుడు చిరంజీవిగారితో మా ఇంట్లో అలవాటైంది. అదే మా తండ్రిని నాస్తికవాదం నుంచి రామ భక్తుడిగా మార్చింది. నేను టీనేజ్‌లో ఉండగా 108 సార్లు చాలీసా పారాయణం చేసేవాడిని. జై హనుమాన్‌’’ అని పవన్‌ ట్విటర్‌ వేదికగా చెప్పుకొచ్చారు.

గత కొంతకాలంగా రాజకీయాలతో బిజీగా ఉన్న పవన్‌ మళ్లీ నటిస్తున్న సంగతి తెలిసిందే. ‘పింక్‌’ రీమేక్‌ ‘వకీల్‌సాబ్‌’లో ఆయన నటిస్తున్నారు. వేణు శ్రీరామ్‌ దర్శకుడు. దీనితో పాటు క్రిష్‌ దర్శకత్వంలో మరో సినిమాలో నటిస్తున్నారు. ఈ రెండూ పూర్తయిన తర్వాత హరీశ్‌ శంకర్‌ దర్శకత్వంలో పవన్‌ నటించనున్నారు.


Tags :

జిల్లా వార్తలు
బిజినెస్
మరిన్ని
సినిమా
మరిన్ని
క్రైమ్
మరిన్ని
క్రీడలు
మరిన్ని
పాలిటిక్స్
మరిన్ని
జనరల్
మరిన్ని