close
Array ( [0] => stdClass Object ( [video_news_id] => 120029785 [video_srlno] => 1 [video_type] => 1 [video_link] => tSH4TDIJZm4 [video_short_link] => tSH4TDIJZm4 [created_by] => [created_date] => [modified_by] => 8914230 [modified_date] => 2020-03-02 14:03:32.680232 [display_status] => 1 [video_isdeleted] => ) ) 1

తాజా వార్తలు

మేమూ శాంతినే కోరుకుంటున్నాం.. కానీ 

దిల్లీ అల్లర్ల ఘటనపై విచారణకు సుప్రీం అంగీకారం

దిల్లీ: ఈశాన్య దిల్లీ అల్లర్లకు ముందు రెచ్చగొట్టే వ్యాఖ్యలు చేసిన రాజకీయ నేతలు, ఇతరులపై ఎఫ్‌ఐఆర్‌ నమోదు చేయాలంటూ దాఖలైన పిటషన్‌పై విచారణ జరిపేందుకు సుప్రీంకోర్టు అంగీకరించింది. మార్చి 4వ తేదీన బుధవారం దీనిపై విచారణ చేపడతామని ప్రధాన న్యాయమూర్తి జస్టిస్‌ ఎస్‌ఏ బోబ్డే నేతృత్వంలోని ధర్మాసనం స్పష్టం చేసింది. 

విద్వేష ప్రసంగాలకు పాల్పడిన భాజపా నేతలపై ఎఫ్‌ఐఆర్‌ నమోదు చేయాలంటూ దాఖలైన పిటిషన్లపై విచారణను దిల్లీ హైకోర్టు ఇటీవల ఏప్రిల్‌ 30వ తేదీకి వాయిదా వేసిన విషయం తెలిసిందే. దీంతో అల్లర్ల బాధితులు సుప్రీంకోర్టును ఆశ్రయించారు. ఎఫ్‌ఐఆర్‌ నమోదు అంశంపై సత్వర విచారణ చేపట్టాలని కోరుతూ పిటిషన్‌ దాఖలు చేశారు. పిటిషనర్ల తరఫున సీనియర్‌ న్యాయవాది కోలిన్‌ గోన్సాల్వ్స్‌ వాదనలు వినిపించారు. 

దిల్లీ అల్లర్లలో ఇంకా చాలా మంది ప్రజలు చనిపోతున్నారని తెలిసినా.. దిల్లీ హైకోర్టు విచారణను నాలుగు వారాలకు వాయిదా వేయడం విచారకరమని కోలిన్‌ సర్వోన్నత న్యాయస్థానానికి వెల్లడించారు. ఇందుకు సీజేఐ బోబ్డే ధర్మాసనం స్పందిస్తూ.. ‘వార్తాపత్రికల ద్వారా దిల్లీ పరిస్థితిని తెలుసుకున్నాం. మేము కూడా శాంతినే కోరుకుంటున్నాం. కానీ, మాకూ కొన్ని పరిమితులు ఉంటాయని మీకు తెలుసు కదా’ అని వ్యాఖ్యానించింది. నేతల ఎఫ్‌ఐఆర్‌ నమోదుపై మంగళవారం విచారణ జరపాలని న్యాయవాది కోరగా.. బుధవారం విచారిస్తామని కోర్టు స్పష్టం చేసింది. 



Tags :

బిజినెస్‌

రాజకీయం

జనరల్‌

సినిమా

క్రైమ్

స్పోర్ట్స్

జాతీయ-అంతర్జాతీయ

జిల్లా వార్తలు
సినిమా

దేవతార్చన

+

© 1999- 2020 Ushodaya Enterprises Pvt.Ltd,All rights reserved.
Powered By Margadarsi Computers

Android PhonesApple Phones

For Editorial Feedback - eMail: infonet@eenadu.net
For Digital Marketing enquiries Contact : 9000180611, 040 - 23318181 eMail :marketing@eenadu.net
Best Viewed In Latest Browsers

Terms & Conditions   |   Privacy Policy

Contents of eenadu.net are copyright protected.Copy and/or reproduction and/or re-use of contents or any part thereof, without consent of UEPL is illegal.Such persons will be prosecuted.