close
Array ( ) 1

తాజా వార్తలు

Updated : 28/04/2020 22:28 IST
Facebook Share Twitter Share WhatsApp Share Telegram Share

60 శాతం కరోనా కేసులు 15 జిల్లాలోనే...

దిల్లీ: దేశం మొత్తం మీద ప్రధానంగా 15 జిల్లాలోనే 60 శాతం కరోనా కేసులు నమోదయ్యాయని నీతి ఆయోగ్ సీఈవో అమితాబ్ కాంత్ తెలిపారు. కరోనా వ్యాప్తి నివారణకు నిరంతర పర్యవేక్షణతో పాటు పరీక్షల నిర్వహణ, చికిత్స అందించడం, వైరస్‌ను అదుపు చేయడంలో మరింత దూకుడుగా వ్యవహరించడం వంటివి చేయాలని చెప్పారు. ఈ మేరకు నీతి ఆయోగ్ దేశవ్యాప్తంగా కరోనా కేసుల తీవ్రతకు సంబంధించి ఒక నివేదికను రూపొందించింది. ఈ జాబితాలో హైదరాబాద్ (తెలంగాణ), పుణే (మహారాష్ట్ర), జైపూర్‌ (రాజస్థాన్‌), ఇండోర్‌ (మధ్యప్రదేశ్‌), అహ్మదాబాద్‌ (గుజరాత్), ముంబయి (మహారాష్ట్ర), దిల్లీ, వడోదరా (గుజరాత్), కర్నూల్ (ఆంధ్రప్రదేశ్‌), భోపాల్ (మధ్యప్రదేశ్‌), జోధ్‌పూర్‌ (రాజస్థాన్‌), ఆగ్రా (ఉత్తరప్రదేశ్‌), థానే (మహారాష్ట్ర), చెన్నై (తమిళనాడు), సూరత్ (గుజరాత్) జిల్లాలుండగా..  వీటిలో మొదటి 7 జిల్లాల్లో కేసుల తీవ్రత ఎక్కువగా ఉందని తెలిపారు. 

దేశం మొత్తం మీద దిల్లీలోని 11 జిల్లాలోనే 12.62 శాతం కేసులు నమోదయ్యాయని అమితాబ్‌కాంత్‌ వెల్లడించారు. కరోనా పోరులో భారత్ ఎంత మేర విజయం సాధిస్తుందనేది ఈ జిల్లాల్లో కేసుల తీవ్రత తగ్గుదలపై ఆధారపడి ఉంటుదని చెప్పారు. ‘‘దేశ వ్యాప్తంగా ఉన్న పరిస్థితిని వెల్లడించడం మా బాధ్యత. రాష్ట్ర ప్రభుత్వాలే కరోనా కట్టడికి పటిష్ఠ చర్యలు తీసుకోవాలి. అధిక సంఖ్యలో పరీక్షలు నిర్వహించడం, వైరస్‌ సోకిన వారిని ఐసోలేషన్‌లో ఉంచి చికిత్స అందించడం ద్వారా కేసుల తీవ్రతను తగ్గించుకోవాలి. భారత్‌లోని 60 శాతం పైగా కేసులు 15 ప్రాంతాల్లో నమోదయ్యాయి. కరోనాపై పోరులో విజయం సాధించాలంటే ఆ శాతాన్ని తగ్గించుకుంటూ రావాలి’’ అని అమితాబ్ కాంత్ అన్నారు. మహారాష్ట్ర, దిల్లీలోని నగరాలతో పోలిస్తే గత వారం రోజుల్లో మిగిలిన నగరాల్లో కేసుల సంఖ్య తగ్గుముఖం పడుతున్నట్లు తెలిపారు. 

అయితే నీగి ఆయోగ్ నివేదికను పలువురు వైద్య నిపుణులు తప్పుబట్టారు. ఒక్క జిల్లా ఆధారంగా అన్ని ప్రాంతాల్లో పరిస్థితిని అంచనా వేయడం తప్పని అన్నారు. కరోనా నియంత్రణకు పాజిటివ్ కేసులు నమోదయిన ప్రాంతాలను మూసివేయడం మార్గం కాదని, ప్రజలు బాధ్యతగా సామాజిక దూరం వంటి నిబంధనలు పాటించేలా చేయాలని అభిప్రాయపడ్డారు. 

ఇవీ చదవండి...

ప్లాస్మాథెరపీ ప్రయోగ దశలోనే ఉంది....

15 రోజులు 1500 కి.మీ నడిచి...వ్యక్తి మృతి


Tags :

బిజినెస్‌

రాజకీయం

జనరల్‌

సినిమా

క్రైమ్

స్పోర్ట్స్

జాతీయ-అంతర్జాతీయ

జిల్లా వార్తలు
మరిన్ని

దేవతార్చన

+

© 1999- 2020 Ushodaya Enterprises Pvt.Ltd,All rights reserved.
Powered By Margadarsi Computers

Android PhonesApple Phones

For Editorial Feedback - eMail: infonet@eenadu.net
For Digital Marketing enquiries Contact :
040 - 23318181 eMail :marketing@eenadu.net
Best Viewed In Latest Browsers

Terms & Conditions   |   Privacy Policy

Contents of eenadu.net are copyright protected.Copy and/or reproduction and/or re-use of contents or any part thereof, without consent of UEPL is illegal.Such persons will be prosecuted.