close

తాజా వార్తలు

Published : 28/07/2020 13:41 IST
Facebook Share Twitter Share WhatsApp Share Telegram Share

కరోనా: 6 వారాలు.. 6 నెలలు.. ఆరోసారి!

ప్రపంచ ఆరోగ్య సంస్థ డైరక్టర్‌ ప్రకటన

జెనీవా: ప్రపంచ వ్యాప్తంగా కొవిడ్-19 బాధితుల సంఖ్య కేవలం ఆరువారాల్లోనే రెట్టింపయిందని ప్రపంచ ఆరోగ్య సంస్థ డైరక్టర్‌ జనరల్‌ టెడ్రోస్‌ అథనోమ్‌ గెబ్రియేసస్‌‌ ప్రకటించారు. కరోనా వైరస్‌ను ప్రపంచ మహమ్మారిగా ప్రకటించి ఆరు నెలలు పూర్తికావడంతో ఆయన ఓ ప్రకటనను విడుదల చేశారు. ఈ విధంగా ఆరోగ్య అత్యయిక స్థితిని ప్రకటించడం చరిత్రలో ఇది ఆరోసారని ఆయన తెలిపారు. మరిన్ని వివరాలు ఇలా ఉన్నాయి..

ఇంకా బలం పుంజుకుంటుంది..

జనవరి 30న తాము అత్యయిక స్థితిని ప్రకటించే సమయంలో చైనా వెలుపల వంద కంటే తక్కువ కేసులుండగా, మరణాలు నమోదుకాలేదని టెడ్రోస్‌ అథనోమ్‌ గుర్తు చేశారు. తమ వద్దనున్న గణాంకాల ప్రకారం ఇప్పటి వరకు అంతర్జాతీయంగా సుమారు కోటి అరవై లక్షల కొవిడ్‌ కేసులు నమోదు కాగా 6,40,000 మంది మృతిచెందారన్నారు. ఇంతటితో సరికాదని..ఈ మహమ్మారి ఇంకా బలం పుంజుకుంటుందని ఆయన అభిప్రాయపడ్డారు. ‘‘కొవిడ్‌-19 ప్రపంచాన్నే మార్చివేసింది. ఇది ప్రజలను, జాతులను, దేశాలను దగ్గర చేస్తూనే విభజించింది కూడా. మనిషి బలాన్ని, బలహీనతను కూడా తేటతెల్లం చేసింది. దీని ద్వారా మనం ఎంతో నేర్చుకున్నాం.. అయితే మరెంతో నేర్చుకోవాల్సి ఉంది’’ అని తెలిపారు.

కొన్ని మారలేదు..

సామాజిక దూరం, చేతులు శుభ్రం చేసుకోవటం, సమూహాలలోకి వెళ్లక పోవటం, మాస్కులు ధరించటం వంటి నియమాలు మారలేదంటూ.. వాటిని పాటించాల్సిన అవసరాన్ని టెడ్రోస్‌ పునరుద్ఘాటించారు. అన్నిటిని మించి తాము, తోటివారు సురక్షితంగా ఉండాలనే దృఢ సంకల్పమే ముఖ్యమని అయన వెల్లడించారు. కరోనా కట్టడి, బాధితుల సంక్షేమం కోసం ప్రపంచ ఆరోగ్య సంస్థ వ్యక్తులు, సంస్థల వద్ద నుంచి 225 మిలియన్ల డాలర్లు, సభ్య దేశాల నుంచి 1 బిలియన్‌ డాలర్ల నిధిని సేకరించినట్లు ఆయన వివరించారు.


Tags :

బిజినెస్‌

రాజకీయం

జనరల్‌

జిల్లా వార్తలు
సినిమా
మరిన్ని

దేవతార్చన

+

© 1999- 2020 Ushodaya Enterprises Pvt.Ltd,All rights reserved.
Powered By Margadarsi Computers

Android PhonesApple Phones

For Editorial Feedback - eMail: infonet@eenadu.net
For Digital Marketing enquiries Contact :
040 - 23318181 eMail :marketing@eenadu.net
Best Viewed In Latest Browsers

Terms & Conditions   |   Privacy Policy

Contents of eenadu.net are copyright protected.Copy and/or reproduction and/or re-use of contents or any part thereof, without consent of UEPL is illegal.Such persons will be prosecuted.