close

తాజా వార్తలు

Updated : 23/07/2020 20:48 IST
Facebook Share Twitter Share WhatsApp Share Telegram Share

ఉదయం కల్యాణం.. మధ్యాహ్నం కరోనా!

ఒంటిమిట్ట: కడప జిల్లా ఒంటిమిట్ట మండలం కొత్తమాధవరంలో వరుడికి కరోనా పాజిటివ్ నిర్ధారణ అయ్యింది. పెళ్లయిన గంటల వ్యవధిలోనే ఈ వార్త తెలియడంతో బంధువులు, సన్నిహితులు ఆందోళన చెందుతున్నారు. మరోవైపు పెళ్లికి హాజరైన వారికి కూడా కరోనా నిర్ధారణ పరీక్షలు చేసేందుకు అధికారులు ఏర్పాట్లు చేస్తున్నారు. వివరాల్లోకి వెళ్తే.. పెద్దలు నిర్ణయించిన ప్రకారం గురువారం తెల్లవారుజామున నెల్లూరు జిల్లా గూడురుకు చెందిన ఓ యువతితో వరుడి సొంత ఇంట్లో వివాహం జరిగింది. కొవిడ్-19 నిబంధనల ప్రకారం పెళ్లి చేసుకునేందుకు మూడు రోజుల ముందు మండల అధికారులకు దరఖాస్తు చేశారు. 

కరోనా పరీక్షలు చేయించుకోవాలని వైద్యాధికారులు సూచించడంతో కడపలో నమూనాలు సేకరించారు. గురువారం తెల్లవారు జామున వివాహ అనంతరం వధువు, వరుడు గూడురుకు బయలుదేరారు. ఈ క్రమంలో మూడు రోజుల క్రితం నమూనాలు ఇవ్వగా మధ్యాహ్నం 2 గంటలకు వరుడికి కరోనా పాజిటివ్ వచ్చినట్లు ఒంటిమిట్ట ప్రాథమిక ఆరోగ్య కేంద్రం వైద్యాధికారిణి ఎం.కవిత తెలిపారు. దీంతో ఈ సమాచారం అందుకున్న పోలీసులు అత్తగారి ఇంట్లో ఉన్న పెళ్లికొడుకొని కడపలోని కొవిడ్‌ ఆస్పత్రికి తరలించారు. దీంతో పెళ్లికి హాజరైన బంధువులు, కుటుంబ సభ్యులు, సన్నిహితులు ఆందోళన చెందుతున్నారు. వివాహనికి ఏ ప్రాంతం నుంచి ఎంత మంది హాజరయ్యారని పోలీసులు, వైద్య సిబ్బంది ఆరా తీస్తున్నారు. ఇప్పటికే 46 మందిని గుర్తించినట్లు అధికారులు తెలిపారు. వీరికి కూడా పరీక్షలు నిర్వహించనున్నారు.


Tags :

బిజినెస్‌

రాజకీయం

జనరల్‌

సినిమా

క్రైమ్

స్పోర్ట్స్

జాతీయ-అంతర్జాతీయ

జిల్లా వార్తలు
మరిన్ని

దేవతార్చన

+

© 1999- 2020 Ushodaya Enterprises Pvt.Ltd,All rights reserved.
Powered By Margadarsi Computers

Android PhonesApple Phones

For Editorial Feedback - eMail: infonet@eenadu.net
For Digital Marketing enquiries Contact :
040 - 23318181 eMail :marketing@eenadu.net
Best Viewed In Latest Browsers

Terms & Conditions   |   Privacy Policy

Contents of eenadu.net are copyright protected.Copy and/or reproduction and/or re-use of contents or any part thereof, without consent of UEPL is illegal.Such persons will be prosecuted.