Tamilisai: పరువునష్టం కేసులో గవర్నర్‌ తమిళిసైకి ఊరట

తాజా వార్తలు

Updated : 29/09/2021 08:33 IST

Tamilisai: పరువునష్టం కేసులో గవర్నర్‌ తమిళిసైకి ఊరట

ఈనాడు డిజిటల్‌, చెన్నై: వీసీకే అధ్యక్షుడు తిరుమావళవన్‌పై వ్యాఖ్యలు చేసినందుకు ప్రస్తుతం తెలంగాణ గవర్నర్‌, పుదుచ్చేరి ఇన్‌ఛార్జి లెఫ్టినెంట్‌ గవర్నర్‌గా ఉన్న తమిళిసై సౌందరరాజన్‌పై దాఖలైన పరువునష్టం కేసు కొట్టివేస్తూ మద్రాస్‌ హైకోర్టు మంగళవారం ఉత్తర్వులిచ్చింది. తమిళిసై 2017లో భాజపా తమిళనాడు రాష్ట్ర అధ్యక్షురాలిగా ఉన్న సమయంలో వీసీకే అధ్యక్షుడు తిరుమావళవన్‌ కట్టపంచాయత్తు (దాదాగిరి) చేస్తున్నారని మీడియాలో వ్యాఖ్యానించారు. దీనిపై వీసీకే సభ్యుడు తాటి కార్తికేయన్‌ కాంచీపురం కోర్టులో పరువునష్టం వ్యాజ్యం వేశారు. విచారణకు తమిళిసై హాజరుకావాలంటూ కోర్టు సమన్లు పంపింది. సమన్లు, కేసును రద్దు చేయాలని కోరుతూ ఆమె మద్రాస్‌ హైకోర్టులో పిటిషన్‌ వేశారు. విచారణలో భాగంగా న్యాయమూర్తి జస్టిస్‌ దండపాణి మాట్లాడుతూ.. రాజ్యాంగం వాక్‌ స్వాతంత్య్రం, వ్యక్తీకరణ స్వేచ్ఛను అందించినప్పటికీ వాటికి పరిమితులు విధించిందన్న విషయాన్ని గుర్తుచేశారు. కేసు కొట్టివేస్తున్నట్లు ప్రకటించారు.


Advertisement

Tags :

మరిన్ని

జిల్లా వార్తలు
బిజినెస్
మరిన్ని
సినిమా
మరిన్ని
క్రైమ్
మరిన్ని
క్రీడలు
మరిన్ని
పాలిటిక్స్
మరిన్ని
జాతీయ- అంతర్జాతీయ
మరిన్ని