బుద్ధి నేర్పాలని ఐలాండ్‌లో వదిలేశారు!

తాజా వార్తలు

Published : 17/07/2021 01:06 IST

బుద్ధి నేర్పాలని ఐలాండ్‌లో వదిలేశారు!

ఇంటర్నెట్‌ డెస్క్‌: పిల్లలు తప్పులు చేయడం.. మొండిగా ప్రవర్తించడం మామూలే. కొంతమంది తల్లిదండ్రులు చక్కగా పక్కన కూర్చొబెట్టుకొని నచ్చజెప్తారు. ఇంకొందరు కొట్టి దారిలోకి తెచ్చుకొనే ప్రయత్నం చేస్తారు. మరికొందరు మాత్రం మరింత గట్టిగా బుద్ధి చెప్పాలని అనుకుంటారు. అలాంటిదే ఈ చైనా జంట. తమ కుమార్తెకు బుద్ధి చెప్పాలని భావించి ఆమెను ఏకంగా ఓ నిర్మానుషమైన ఓ ఐలాండ్‌లో వదిలేసి వెళ్లిపోయారు. 

షాండాంగ్‌ ప్రావిన్స్‌కు చెందిన 13 ఏళ్ల చిన్నారి తల్లిదండ్రులు చెప్పిన మాట వినట్లేదట. పాఠశాలకు వెళ్లడం మానేసి ఇంట్లోనే ఉండడాన్ని చిన్నారి తల్లిదండ్రులు సహించలేకపోయారు. దీంతో ఎలాగైనా ఆ చిన్నారికి బుద్ధి చెప్పాలని నిర్ణయించుకున్నారు. ఈ క్రమంలోనే రుషాన్‌ పట్టణానికి సమీపంలో ఉన్న ఎడారిలాంటి ఒక ఐలాండ్‌కు తీసుకెళ్లి ఒంటరిగా వదిలేసి వచ్చారు. ఆ చిన్న ఐలాండ్‌లో జనావాసం లేదు. చాలాకాలంగా నిర్మానుషంగా ఉంటోంది. అందుకే, చిన్నారిని అక్కడ వదిలేసి, ఆమెను గమనించడానికి మరో సర్వైవల్‌ ఎక్స్‌పర్ట్‌ను నియమించి వెళ్లారు. దీంతో బిక్కుబిక్కుమంటూ ఆ చిన్నారి ఐలాండ్‌లోనే ఉండిపోవాల్సి వచ్చింది. తల్లిదండ్రులు ఇచ్చిన వాటర్‌ బాటిల్‌ నీళ్లు.. బిస్కెట్స్‌ తింటూ రెండ్రోజులపాటు అక్కడే ఉండిపోయింది. ఆ తర్వాత అటువైపుగా వెళ్తున్న మత్స్యకారులు ఆమెను గుర్తించారు. పోలీసులకు సమాచారం ఇవ్వడంతో వారు ఐలాండ్‌ చేరుకొని ఆమెను పోలీస్‌స్టేషన్‌కు తీసుకెళ్లారు. తల్లిదండ్రులను పిలిపించి కౌన్సెలింగ్‌ ఇచ్చి చిన్నారిని వారికి అప్పగించారు.


Tags :

మరిన్ని

జిల్లా వార్తలు
బిజినెస్
మరిన్ని
సినిమా
మరిన్ని
క్రైమ్
మరిన్ని
క్రీడలు
మరిన్ని
పాలిటిక్స్
మరిన్ని
జాతీయ- అంతర్జాతీయ
మరిన్ని