మహిళల కోసం నీతా అంబానీ సోషల్‌మీడియా

తాజా వార్తలు

Updated : 08/03/2021 04:27 IST

మహిళల కోసం నీతా అంబానీ సోషల్‌మీడియా

ముంబయి: మహిళా సాధికారతే లక్ష్యంగా రిలయన్స్‌ ఫౌండేషన్‌ ఛైర్‌పర్సన్‌ నీతా ముకేశ్‌ అంబానీ కొత్త సామాజిక మాధ్యమ వేదికను ప్రారంభించారు. ‘హెర్‌ సర్కిల్‌’గా దానికి నామకరణం చేశారు. కేవలం మహిళలకు సంబంధిత విషయాలు ఇందులో అందుబాటులో ఉంటాయి. ఫ్యాషన్‌, పర్సనాలిటీ డెవలప్‌మెంట్‌, బ్యూటీ, ఎంటర్‌టైన్‌మెంట్‌కు సంబంధించిన ఆర్టికల్స్‌ను చదవడంతో పాటు సంబంధిత వీడియోలనూ ఈ వేదిక ద్వారా వీక్షించొచ్చు. అవసరమైతే హెల్త్‌, వెల్‌నెస్‌, ఎడ్యుకేషన్‌కు, ఫైనాన్స్‌, లీడర్‌షిప్‌, మెంటార్‌ షిప్‌ వంటి విషయాల్లో రిలయన్స్‌ ప్యానెల్‌ నిపుణులు సమాధానాలు కూడా ఇస్తారు.

తన జీవితంలో ఎన్నో నేర్చుకున్నానని, వాటన్నింటినీ ఇతరులకు పంచుకోవాలన్న ఉద్దేశంతో దీన్ని ప్రారంభించినట్లు నీతా అంబానీ పేర్కొన్నారు. అలాగే మహిళలంతా ‘హెర్‌ సర్కిల్‌.ఇన్‌’లో చేరి ఇతరులతో తమ ఆలోచనలను పంచుకోవాలని సూచించారు. మహిళల కోసం ఒక సామాజిక మాధ్యమ వేదికను తీసుకురావడం సంతోషంగా ఉందని అన్నారు. ప్రతి మహిళా ఈ వేదికను సద్వినియోగం చేసుకోవాలని చెప్పారు. హెర్‌ సర్కిల్‌.ఇన్‌ రిజిస్ట్రేషన్‌ ఉచితంగానే అందిస్తున్నారు. ప్రస్తుతం ఆంగ్లంలో అందుబాటులో ఉండగా.. క్రమంగా ఇతర భాషల్లోనూ అందుబాటులోకి తీసుకురానున్నారు.


Tags :

మరిన్ని

జిల్లా వార్తలు
బిజినెస్
మరిన్ని
సినిమా
మరిన్ని
క్రైమ్
మరిన్ని
క్రీడలు
మరిన్ని
పాలిటిక్స్
మరిన్ని
జాతీయ- అంతర్జాతీయ
మరిన్ని