ఈజిప్టు మమ్మీకి సీటీ స్కాన్‌!

తాజా వార్తలు

Published : 24/06/2021 00:57 IST

ఈజిప్టు మమ్మీకి సీటీ స్కాన్‌!

ఇంటర్నెట్‌ డెస్క్‌: పరిశోధన ఓ నిరంతర ప్రయాణం. మనిషి జీవితాన్ని సులభతరం చేసిన ఆధునిక సాంకేతికత.. ఆ పరిశోధన ఫలితమే. ఇందులో భాగంగానే ఇటలీ పరిశోధకులు ఓ ఈజిప్టు మమ్మీకి సీటీ స్కాన్ చేశారు. ఆ మమ్మీ ఎవరు, ఏమిటి? అన్న పూర్వాపరాలను తెలుసుకోవడం సహా వేల ఏళ్ల క్రితం ఉన్న వ్యాధుల గురించి ఈ సీటీ స్కాన్ ఫలితాలతో పరిశోధనలు జరుపుతున్నారు. 

వేల ఏళ్ల క్రితం మరణించిన వ్యక్తుల మృత దేహాలను రసాయనాల సాయంతో మమ్మీలుగా మార్చి భద్రపరచగా, వాటిని కాపాడుకుంటూ వస్తోంది ఈజిప్టు. ఈ మమ్మీలపై ఇప్పటికే అనేక పరిశోధనలు జరగ్గా, ప్రస్తుతం పరిశోధకులు మరొక అడుగు ముందుకు వేసి మమ్మీ పూర్వాపరాలను తెలుసుకునేందుకు సీటీ స్కాన్‌ నిర్వహించారు.

ఈజిప్టులోని బెర్గామో మ్యూజియంలోని మమ్మీని ఇటలీలోని మిలాన్‌ పాలీక్లినికో ఆసుపత్రిలో ఈ సీటీ స్కాన్‌ చేపట్టారు. దీని ఫలితాల విశ్లేషణల ద్వారా కొంత సమాచారం సేకరించిన పరిశోధకులు.. మరిన్ని రహస్యాలు తెలుసుకునే పనిలో ఉన్నారు. ఈ మమ్మీ ఓ పురుష మత ప్రబోధకుడిదని పరిశోధకులు భావించగా, సీటీ స్కాన్‌లో మాత్రం అది 20 ఏళ్ల వయసున్న ఒక గర్భిణిది అని తేలింది. ఇది క్రీ.పూ 800 నుంచి 900 సంవత్సరం నాటిదిగా ఈ పరిశోధనల ద్వారా అంచనా వేశారు. 

మృతదేహాన్ని మమ్మీగా మార్చిన రసాయన ప్రక్రియ, దానికోసం వాడిన పదార్థాలు, ఆనాటి అంత్యక్రియ పద్ధతులపై పరిశోధకులు సీటీ స్కాన్‌ ఫలితాలతో ఆరా తీస్తున్నారు. ఆ వ్యక్తి జీవనగమనం, మరణానికి గల కారణాలను తెలుసుకుంటున్నారు. పూర్వకాలంలో ఉన్న వ్యాధులపై పరిశోధన చేస్తున్నారు. ఆధునిక వైద్య పరిశోధనల్లో ఈ సమాచారం కీలకం కాబోతోందని నిపుణులు అంటున్నారు.



Tags :

మరిన్ని

జిల్లా వార్తలు
బిజినెస్
మరిన్ని
సినిమా
మరిన్ని
క్రైమ్
మరిన్ని
క్రీడలు
మరిన్ని
పాలిటిక్స్
మరిన్ని
జాతీయ- అంతర్జాతీయ
మరిన్ని