చాక్లెట్లతో మతిమరుపు మాయం..!

తాజా వార్తలు

Published : 09/12/2020 00:03 IST

చాక్లెట్లతో మతిమరుపు మాయం..!

తాజా అధ్యయనంలో వెల్లడి

ఇంటర్నెట్‌ డెస్క్‌: మతిమరుపు మానవ సహజం. ఇది కాస్త మోతాదులో ఉంటే ఫర్వాలేదు గానీ.. మరీ అధికమైతే తీవ్ర పరిణామాలకు దారితీస్తుంది. ముఖ్యంగా వయసు మీదపడిన వారిలో మతిమరుపు ఎక్కువగా ఉంటుంది. అయితే దీన్ని అధిగమించేందుకు చాక్లెట్లు తినాలంటున్నారు బర్మింగ్‌హామ్‌ విశ్వవిద్యాలయానికి చెందిన పరిశోధకులు. వయసు పెరిగేకొద్ది మతిమరుపు పెరుగుతుందనీ, దానికి విరుగుడుగా చాక్లెట్లు తినాలంటూ సూచిస్తున్నారు. వారి నివేదిక ప్రకారం.. చాలామందిలో చాక్లెట్లు తింటే దంతాలు పాడైపోతాయనే అపోహ ఉంది. కానీ, చాక్లెట్ నోట్లో వేసుకుంటే కరిగిపోతుంది.  ముఖ్యంగా డార్క్‌ చాక్లెట్లలో ఉండే పాలీ ఫెనాల్స్‌ చర్మానికి, గుండెలోని కణాలకు హాని చేసే రసాయనాలను నివారిస్తాయి. వృద్ధాప్యంలో వచ్చే అల్జీమర్స్ వ్యాధిని సైతం అడ్డుకుంటాయి. మిగిలిన తీపి పదార్థాలతో పోలిస్తే చాక్లెట్లు తినడం మంచిదేనని తాజా పరిశోధనల్లో తేలింది.

చాక్లెట్‌లో ఉపయోగించే కోకోలోని పోషకాల్లో ఫ్లేవనోల్ ఉంటుంది. ఇవి మతిమరుపును దూరం చేస్తుందని బర్మింగ్‌హమ్‌ విశ్వవిద్యాలయ పరిశోధకురాలు కాటరీనా రెండెరో, ప్రొఫెసర్లు మెనికా ఫాబియాని, గాబ్రియేల్‌ గ్రాటన్‌ తెలిపారు. అలాగే 18 మందిపై జరిపిన అధ్యయనంలో 14 మందికి రోజూ చాక్లెట్‌ తినడం వల్ల జ్ఞాపకశక్తి మెరుగుపడినట్లు గుర్తించారు. అయితే.. ఎక్కువ కోకో క్యాలరీలు ఉన్న చాక్లెట్లకు మాత్రం దూరంగా ఉండాలని శాస్త్రవేత్తలు సూచిస్తున్నారు. కూరగాయలు, పండ్లలో కూడా కోకో ఫ్లేవనోల్స్‌ తక్కువ స్థాయిలో ఉంటాయని తెలిపారు. అయితే అవి మెదడు పనితీరుపై అంతగా ప్రభావం చూపవన్నారు.


Advertisement

Tags :

మరిన్ని

జిల్లా వార్తలు
బిజినెస్
మరిన్ని
సినిమా
మరిన్ని
క్రైమ్
మరిన్ని
క్రీడలు
మరిన్ని
పాలిటిక్స్
మరిన్ని
జాతీయ- అంతర్జాతీయ
మరిన్ని