పర్యాటక ప్రాంతాలపై ‘దేఖో అప్నా దేశ్‌’

తాజా వార్తలు

Published : 15/04/2020 01:02 IST

పర్యాటక ప్రాంతాలపై ‘దేఖో అప్నా దేశ్‌’

వెబినార్‌ సిరీస్‌ను ప్రారంభించిన పర్యాటక శాఖ

న్యూదిల్లీ: లాక్‌డౌన్‌ ప్రభావం దేశ పర్యాటక రంగంపై తీవ్రంగా పడింది. రాకపోకలు నిలిచిపోవడంతో ఆయా సందర్శనీయ స్థలాలు నిర్మానుష్యంగా మారాయి. ఈ తరుణంలో పర్యాటకులకు కాస్త ఊరటగా పర్యాటకశాఖ మంగళవారం ‘దేఖో అప్నా దేశ్‌’ పేరిట వెబినార్‌ సిరీస్‌ను ప్రారంభించింది. దీని ద్వారా దేశవ్యాప్తంగా ప్రముఖ పర్యాటక కేంద్రాలు, భారతీయ సంస్కృతీ సంప్రదాయాలు, వారసత్వ సంపద విశిష్టతను వర్చువల్‌ రూపంలో తెరపై వీక్షించే అవకాశం కలుగుతుంది. ఇందులో భాగంగా మంగళవారం దిల్లీ నగరంపై ‘సిటీ ఆఫ్‌ సిటీస్‌- దిల్లీస్‌ పర్సనర్‌ డైరీ’ పేరిట రూపొందించిన తొలి వెబినార్‌ను ప్రసారం చేసింది. పర్యాటకశాఖ మంత్రి ప్రహ్లాద్‌ సింగ్‌ పటేల్‌ ఈ వెబినార్‌ సిరీస్‌పై మాట్లాడుతూ.. మన నాగరికత విశేషాలు, స్మారక కట్టడాలు, కళలు, నృత్యాలు, ప్రకృతి రమణీయ ప్రదేశాలు, పండగలను ఈ సాంకేతికత సాయంతో ప్రజలకు చేరువ చేయనున్నట్లు తెలిపారు. పర్యాటకశాఖ అధికారిక వెబ్‌సైట్‌లో ఈ వెబినార్‌ సిరీస్‌ను వీక్షించే అవకాశం కల్పించనట్లు వివరించారు. తర్వాతి వెబినార్‌ ఏప్రిల్‌ 16న కోల్‌కతా నగర విశేషాలపై ఉంటుందని వెల్లడించారు.


Advertisement

Tags :

మరిన్ని

జిల్లా వార్తలు
బిజినెస్
మరిన్ని
సినిమా
మరిన్ని
క్రైమ్
మరిన్ని
క్రీడలు
మరిన్ని
పాలిటిక్స్
మరిన్ని
జాతీయ- అంతర్జాతీయ
మరిన్ని