బరువు తగ్గడానికి నోటిని మూసే పరికరం..!

తాజా వార్తలు

Published : 30/06/2021 01:07 IST

బరువు తగ్గడానికి నోటిని మూసే పరికరం..!

విమర్శలపాలవుతున్న ఆవిష్కరణ

ఇంటర్నెట్‌ డెస్క్‌: ఆధునిక జీవవశైలి, ఆహారపు అలవాట్లతో చాలా మంది ఊబకాయులుగా మారిపోతున్నారు. జంక్‌ఫుడ్‌ వల్ల కొవ్వు పెరిగి లావు అవుతాం.. ఆరోగ్యానికి మంచిది కాదని తెలిసినా.. నియంత్రించుకోలేక తినేస్తుంటారు. తర్వాత లావెక్కామని బాధపడుతుంటారు. అలాంటి వారి కోసం న్యూజిలాండ్‌లోని యూనివర్సిటీ ఆఫ్‌ ఓటాగో ఓ వింత పరికరాన్ని రూపొందించింది. అయితే, ఈ పరికరంపై నెటిజన్ల నుంచి ప్రతికూల స్పందన వస్తోంది.

డెంటల్‌ స్లిమ్‌ పేరుతో తయారు చేసిన ఈ పరికరంలో రెండు అయస్కాంతపు ముక్కలు ఉంటాయి. వాటిని పైదవడలోని ఒక పంటికి.. కింది దవడలోని ఒక పంటికి అమర్చుకోవాలి. డివైజ్‌ను యాక్టివేట్‌ చేయగానే.. నోరు ఆటోమెటిక్‌గా మూసుకుపోతుంది. డివైజ్‌ను డియాక్టివేట్‌ చేస్తే తప్ప తిరిగి నోరు తెరుచుకోదు. ఈ డివైజ్‌ పనిచేస్తున్నంత కాలం నోరు తెరుచుకోదు కాబట్టి.. ఆహారాన్ని ద్రవరూపంలోనే తీసుకోవాల్సి ఉంటుంది. దీంతో బరువు పెరగడం ఆగడమే కాదు.. శరీరం సన్నబడుతుందని శాస్త్రవేత్తలు అంటున్నారు.

ఈ పరికరాన్ని ఏడుగురు మహిళలపై వారం రోజులపాటు ప్రయోగించారు. ఆ పరికరాన్ని మహిళలకు అమర్చగానే నోరు మూసుకుపోయింది. దీంతో వారం పాటు వారంతా కేవలం ద్రవరూపంలోనే ఆహారాన్ని తీసుకున్నారు. వారం రోజుల తర్వాత పరిశీలిస్తే మంచి ఫలితాలు వచ్చాయట. ఆ మహిళలు వారి మొత్తం బరువులో 5.1శాతం బరువు తగ్గారట. అయితే, ఈ పరికరం ఉపయోగిస్తున్నప్పుడు ఆ మహిళలకు అసౌకర్యంగా అనిపించింది. మాట్లాడానికి కూడా రాకపోవడం చాలా ఇబ్బందులు పడ్డారు. 

ఈ పరికరం రూపకల్పన గురించి యూనివర్సిటీ ఆఫ్‌ ఓటాగో సోషల్‌మీడియాలో వెల్లడించగా.. ఇంత కష్టతరమైన, ఆరోగ్యాన్ని పాడుచేసే ఈ పరికరం రూపొందించడమేంటని నెటిజన్ల నుంచి విమర్శలు వెల్లువెత్తాయి. అయితే, ఇది కేవలం బరువు తగ్గడానికి అన్ని విధాలుగా ప్రయత్నించి విఫలమైన వారికి మాత్రమే ఉపయోగకరంగా ఉంటుందని వర్సిటీ అధికారులు సమర్థించుకునే ప్రయత్నం చేశారు. 


Tags :

మరిన్ని

జిల్లా వార్తలు
బిజినెస్
మరిన్ని
సినిమా
మరిన్ని
క్రైమ్
మరిన్ని
క్రీడలు
మరిన్ని
పాలిటిక్స్
మరిన్ని
జాతీయ- అంతర్జాతీయ
మరిన్ని